2 Timoti 2:22 - Dadiya NT

²² Bɛ ń mwal swɨtǝm kanjǝl dǝlatǝm nu a lɔ bwayǝlɨ. Saa maajɨ nɨ dǝngdǝngɨ, jǝbɔ nǝtǝm bɨlǝngkɛlɔ, jǝbɔ swɨkanɔ, jǝbɔ yɨm kwamɨgǝn. Bɛ ń maa nyɔ mɔ jǝbɔ nǝb nɨ jo Tɛlalɔ lɛ nǝn nǝl sagsagɨɨ.

2 Timoti 2:22 Referans Kwoze

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

1 Bitrus 3:11

Bɛ ga bǝla bwɨlanɔ, ga maa jǝ nya. Bɛ ga saa yɨm lǝma, ga ta gwanggwang.

1 Korinti 6:18

Jǝ́ mwal bulonɔ. Pʌd tangǝn bwɨlangkɛlɔ nǝl maa lɛɨ, a ke bɔ bʊtɔ gǝnɔ na maatǝm bulonɔ. Nʊ nɨ maa bulon nɛɨ, gǝ maa bwɨlangkɛl nɨ kal bʊtɔ gǝnɔ lɛɨ.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

1 Korinti 10:14

Gǝ na nyɔ, fatǝlam mɨ nɨ mǝ swɨ lɛɨ, jǝ́ mwal bwangtǝm shomɔ.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.

1 Korinti 1:10

N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

1 Korinti 14:1

Jǝ́ kwam tʌgo a swɨkanɔ gǝm. Jǝ́ ya kwaan a saatǝm kanjǝl nǝtǝm lǝma Yʊwa. Jǝ́ do kuwotǝmkǝgagɔ a laa ji.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Maajɨ Bɛtɔ Twamagɨɨ 9:14

Wɔ tag dʊʊm nǝbkǝlamɔ a nǝ gǝn fɔlɔn tatǝm nǝb nɨ gwam maa keli lɛ nǝn dun mʊnɨ.”

1 Timoti 2:8

A daa maatǝm keli gwam mǝ swɨ lɛ batǝmɔ a maa keli, jǝ gung kang sagsag lɛ, mɨ nabwɨl wo jǝbɔ gʊbkatǝm.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

Maajɨ Bɛtɔ Twamagɨɨ 7:59

Kanga nɨ jǝ mala Istifanus lɛ nǝn tatǝnɨ, nǝngɔ a maa keligɨɨ gɔ, “Tɛlalɔ Yesu, yo kʊlɨ mǝndɨ.”