2 Timoti 2:18 - Dadiya NT

¹⁸ nǝbɔ a tangǝm a gul bɨlǝngkɛlɨ. Jǝ sʊwa lɛ gɔ guntǝmɔ a bwaaɨ a kwɛl a shu shui. Jǝ kal nǝtǝm bɨlǝngkɛl kaamɨ lɛ.

2 Timoti 2:18 Referans Kwoze

1 Korinti 15:12

Jǝ kiyo fulon kɛl lǝmɨ Kiristii lɛ gɔ, Kwaama a gung gǝn a bwaaɨ, a maa nyǝn tangǝn jenɔ sʊwa lɛ gɔ, mɨ guntǝm bwaa woi?

1 Timoti 1:19

Ń ta nǝtǝm bɨlǝngkɛlɔ a mʊgɔ nǝl nɨ mɨ komtǝm woi a bʊm bʊmɨ. Kaam nǝbɔ a kɔ bwangtǝm kanjǝl nɨ nǝl jinɔ a sʊwa jii, ja kal nǝtǝm bɨlǝngkɛl jinɔ.

Ibranii 3:10

N dul kɛl nɨ mǝ maa nabwɨl jǝbɔ kal gɨɨ, mǝ sʊwa mǝʊ, ‘Kwangkwang nǝl jinɔ a tangǝm tangǝmɨ, ja nyǝm bɔ golantɨn mǝndɨ.’

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.

Yakubu 5:19

Kɛtǝlam mɨ, na kaa win a kʊm jen a bǝla gola bɨlǝngkɛlɨ, bɛ kaa a kʊm jen a yǝla nǝn gɔ a gola.

2 Timoti 2:14

Bɛ ń tɨtǝn bʊʊla jim kɛltɨn nɨ lɛ. Bɛ ń mʊrka ji jǝbɔ Kwaama, ka ja maa lɛ gʊbkatǝm a dul kɛltɨn, jʊ a bwɨɨ mɨ nǝn kaa bʊmǝn, gǝ kal nǝb nɨ nyʊwa lɛɨ.

1 Timoti 6:21

A gola bwangtǝm mɛlalɨ nɨɨ, kaamɨ a kwɛl a tangǝm a gola nǝtǝm bɨlǝngkɛlɔ gǝm. Bɛ lǝma Kwaamaɨ a yɨ jǝbɔ jen.

1 Timoti 6:10

Swɨtǝm kemʌnɔ nǝn gɔ n jʌng kanjǝl bwɨlanɔ gwamɨ. N swɨtǝm nyatǝm shilo dǝbǝr kaam nǝbɔ a bǝla nǝtǝm bɨlǝngkɛl jinɔ a guli, ja gʊ dul jinɔ gǝm fitǝm nǝl nǝn dʌmʌni.

Kolosii 3:1

Kwaama a gung jen nǝn kʊlɨ jǝbɔ Kiristi. Na gǝ na nyɨɨ, bɛ jǝ́ saa kanjǝl nɨ a dʌbʌli, a daa nɨ Kiristi yǝm woi, a kang jajǝng Kwaamaɨ.

1 Korinti 11:19

Mɨ nyǝmatǝm wo, jǝ́ nya nya gʊbkatǝm a kʊm jen, sǝ jǝ́ nyǝm nǝb nɨ Kwaama a jǝla nǝn ji a kʊm jeni.

Maajɨ Bɛtɔ Twamagɨɨ 5:39

Na maajɨ nɨ na a Kwaamaɨ, mɨsɔ jǝ́ la lɛ nyɔ jǝ́ kaa nǝb nɨ wo. A bʊm bɔ ja nya jen jǝ́ maa kii lɛ jǝbɔ Kwaama.” Nǝngɔ mʊrkalɨ nǝb dʊʊmɨ a jǝla nǝn kɛl gǝnɨ.

Luka 8:13

Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ.

Matta 22:29

Yesu a jǝla ji gɔ, “Bʊʊlalɨ jenɔ mɨ dǝngdǝng, jʊ a bwɨɨ jǝ́ nyǝm bɔ mʊlalɨ kɛl Kwaamaɨ wo, jǝ́ nyǝm bɔ kwaan Kwaamaɨ wo tag.

Matta 15:13

Nǝngɔ Yesu a jǝla ji gɔ, “Jʊtǝb nɨ gwam ke bɔ Tɨya mɨ nɨ a kwamaɨ a kwalɨ, jǝ kubom kubom.

Titus 1:11

N dǝngdǝng ja ga jim wulong ja yɨ shig, jʊ a bwɨɨ jǝ kal nǝbɔ lɛ a lɔ nǝn lɔ a gola mɛlalɨ nɨ a bʊm bɨɨ, sǝ ja nyam kemʌn.