2 Timoti 1:18 - Dadiya NT

¹⁸ Bɛ Tɛlalɔ a ji bʊnǝn gǝnɔ nǝn kɔkɔ bɛtǝm gǝnɔ! Ń kwɛl ń nyǝm nyǝmɨ bwɨ tɨkalɨ nɨ a maa a Afisaɨ.

2 Timoti 1:18 Referans Kwoze

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 1:16

Bɛ Tɛlalɔ a ji bʊnǝn nǝbɔ lɔ Onisifarasɨ, jʊ a bwɨɨ, naagɔ a gǝlala kʊʊ mɨ nǝl lɛ dangǝn, a nyʊwa bɔ gunidul bwatǝmɔ ja maa mɨ a lɔsomii.

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

Dʊgam Nyangnyang 2:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ a Afisaɨ gǝm nyɔ, “Kɛl nɨ nǝn gɔ n twama nʊ nɨ a ta nyanyamɨtɨn nɨ nʌbʌl a kang jajǝng gǝnɨ, wʊnɨ yɔ yɔm lɛ tag a tɨbǝl daatɨn swatǝm fitila nɨ nʌbʌl na mʊnɨ.

1 Bitrus 1:10

Nǝbkuwotǝmkǝgagɔ a sʊwa kɛl a dul lǝma nɨ wʊnɨ yǝlam a jen nɛɨ, ja maa dʌngtǝm nǝn bɨlǝngǝn a nyatǝm bʊʊlɨ nɨ gǝm.

2 Timoti 4:12

N twam twamɨ Tikikus a Afisa.

1 Tasalonikaɨ 2:19

N wɛ nyɨɨ n jǝ yatǝm nǝl nǝnɨ, jǝbɔ jǝ fulotǝm nǝl nǝnɨ, jǝbɔ dwang dul lɨyal nǝnɔ a kǝga Tɛlalɔ bǝn Yesui a di yǝlatǝm gǝnɨ? N ke bɔ jen ka?

Afisa 2:4

Kwaama n nǝ jitǝm bʊnǝn, swɨ bǝn nɛ dangǝn.

2 Korinti 9:1

A yǝlam bɔ nyɔ n yǝla n mʊla jem kɛl tɨkalɨ a dul nǝb sagsagɨɨ tag.

1 Korinti 16:8

Mǝ tɨ tɨ a Afisa ba la nǝn kum Fentikosɔ,

Maajɨ Bɛtɔ Twamagɨɨ 19:1

Kwama nɨ Afolos a Korintii, Bulus a kɛla mʊgɔ tǝm gɔ ba la Afisaɨ, ya nya kaam nǝb bwangtǝmɔ wo.

Luka 8:3

jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.

Luka 1:78

Kwaama bǝnɔ a bʊʊ nǝn bǝn nyɔ a dul gʌleng bʊnatǝm gǝnɔ gǝm. A gola bʊnatǝm gǝnɔ, nyalǝmɔ won won a dʌbʌl a gǝla a dul bǝn,

Luka 1:72

sǝ a ji bʊnǝn tʊgalam bǝnɨ, sǝ a bʊʊla nǝn swatǝm yaa sagsag nɨ ga maa jimi.

Maajɨ Bɛtɔ Twamagɨɨ 18:19

Nǝn kwama ya ja la Afisaɨ, n daa gɔ Bulus a bǝla Bilkisu wo jǝbɔ Akilaɨ. Nǝngɔ a dɔ kan mɛlalɨgɨɨ, a maa gʊbkatǝm kɛl jǝbɔ Yahudawagɔ.

Maajɨ Bɛtɔ Twamagɨɨ 18:21

Ya bǝla ji lɛɨ, nǝngɔ a sʊwa gɔ, “Mǝ yǝla mǝ bɛ bɛ a daa jen woi, na Kwaama a jǝlaɨ” Nǝngɔ a gun shu a Afisa a tɨyamwɛngɨ.

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

2 Timoti 1:17

Nǝn kwama a bɛ a tuulɔ Romaɨ, a saa ɨ nǝn bɨlǝngǝn a nya ɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.