2 Tasalonikaɨ 2:9 - Dadiya NT

⁹ Fɔlɔ kutʌm bwɨla nɨ bɛ a kwaan fɔlɔn Mammɨ, maa kanjǝl laatǝm kang gabakɛl lɛ, jǝbɔ kanjǝl nʊngtǝm, jǝbɔ kanjǝl tatǝm kang a nyiyo.

2 Tasalonikaɨ 2:9 Referans Kwoze

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

Yohana 4:48

Nǝngɔ Yesu a sʊwa gǝn gɔ, “Na jǝ́ kuwo bɔ kanjǝl nʊngtǝm jǝbɔ jǝ laatǝm kangɨ, mɨsɔ jǝ́ nǝ bɨlǝngkɛl lɛ.”

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.

Dʊgam Nyangnyang 18:23

Fitila mɨsɔ sʊtǝn nyalǝm lɛ a daa mʊ woi tag. Mɨsɔ jǝ nyʊwa diil nʊ nɨ lɛ a naa nɔɔlɨ jǝbɔ nɔɔgwaalɨ a daa mʊ woi tag. Nǝb dʌbogɔ galɨgǝnɨ nǝji jǝ nǝb dʊʊm yooligɨɨ. N gola swagtǝm mʊn, Bʌtʌbɔ a lɛla golaɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

2 Timoti 3:8

Kanga Yanisu jǝbɔ Yambarisu ja gun tʌgo a Musa gǝmɨ, a na nyɔ nǝb mɛlalɨ gabakɛl nɨ a gun tʌgo a bɨlǝngkɛlɔ gǝmɨ, n nǝbɔ a lɛla a bʊʊlalɨ nyanɔ gǝmɨ, nǝtǝm bɨlǝngkɛl jinɔ n jǝl nǝn kwan.

2 Korinti 11:14

N ke bɔ jǝ tatǝm kang a nyiyo, jʊ a bwɨɨ Mammɔ nǝn kang gǝn gǝ yǝla yǝla nǝn dul gǝnɔ na bwɛ twama Kwaamaɨ nɨ nǝn nyalǝmɨ.

Maajɨ Bɛtɔ Twamagɨɨ 13:10

A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Yohana 8:41

Jǝ́ maa jʊ nɨ tɛtɛ jen a maaɨ.” Nǝngɔ Yahudawagɔ a sʊwa gɔ, “Nǝn nǝn ke bɔ nǝb yʊwam. Kwaama nǝn Tɨya nǝn. Nǝn gɔ kwaagɔ win nǝn Tɨya nǝnɨ.”

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Dʊgam Nyangnyang 12:17

Nǝngɔ gʌleng sɔɔ dʊʊ nɨ a maa nabwɨl jǝbɔ nɔɔlɨ nɨɨ. Nǝngɔ a yɔ ya fɛka kun jǝbɔ tangǝn bɛtɔ nɔɔlɨ nɨɨ, nǝb nɨ kɨla diil Kwaamaɨ lɛɨ, nǝb nɨ a nǝ nyiyo a kɛl dul Yesui.

Dʊgam Nyangnyang 9:11

Ji nǝn fɔlɔ nɨ maa fɔlɔn nɛ a dul jini, nǝn gɔ bwɛ twama bwɨla nɨ ja nǝ gǝn kwaan a dul bʊwa nɨ mɨ dɨltǝm woi. Dun gǝnɔ nǝn nyiyo Yahudawagɨɨ nǝn “Abaddon,” nǝn nyiyo Girikaɨ nǝn “Afoliyon.” Nǝn gɔ “Nǝ Kaltǝmɨ.”

Matta 4:10

Nǝngɔ Yesu a sʊwa gǝn gɔ, “Kʌlʌm shu fɔ a kǝga mɨ Mamm! A mʊla mʊlaɨ gɔ, ‘Maa Tɛlalɔ Kwaama mʊnɔ gǝm bǝlátǝm. Nǝn gɔ kwaagɔ mʊ nǝ gǝn dʊʊn nɛɨ.’ ”

Matta 12:22

Nǝngɔ ja bɛ gǝm nǝn kuli nɨ mɨ sʊwa kɛl lɛɨ, wʊnɨ nǝn yʊwa bwɨlaɨ. Yesu a gung gǝn. Sʊwa kɛl lɛ, kuwo lɛ.

Yakubu 3:15

Yʊlan nɨ ke bɔ a wʊnɨ gǝla lɛ a dʌbʌli, na a yooli nɨɨ. Ke bɔ a sagsag, na a mammɨ.

Luka 11:25

Na a yǝla ya nya lɔngɔ mɨ nǝl woi, ja kʊlam, ja fɛkamɨ,