2 Tasalonikaɨ 2:3 - Dadiya NT

³ Bɛ ka jǝ́ jǝla lɛ kaa nǝl a swag jen dǝm, jʊ a bwɨɨ, kɔkɔ nɨ mɨsɔ lǝga lɛ a bɛ, na ja maa bɔ gotatǝm nɨ nǝn kwamagɔ fɔlɔ kutʌm bwɨla nɨ jelʌm lɛɨ, nʊ nɨ kala lɛɨ.

2 Tasalonikaɨ 2:3 Referans Kwoze

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Dʊgam Nyangnyang 17:8

Yʊwal bwɨla nɨ mʊ kuwoi, galɨgǝn wo, kǝngkɔ mɨ wo. Gwi gwi a bʊwa nɨ mɨ dɨltǝm woi, sǝ a yɔ a daa nɨ jǝ jʌm gǝn nɛɨ. Nǝbɔ yǝm a yooli nɨɨ, nǝb nɨ a tǝltǝm fwaltǝm yooligɔ gǝmɨ, ja mʊla bɔ duntɨn jinɔ a mʊgɔ langǝn bwangǝn kʊlɨ nɨɨ, jǝ ta ta kang a nyiyo a kuwotǝm yʊwal bwɨla nɨ, jʊ a bwɨɨ galɨgǝn wo, kǝngkɔ mɨ wo, yǝla bɛ bɛ.

Dʊgam Nyangnyang 17:11

Yʊwal bwɨla nɨ wo galɨgǝnɨ, kǝngkɔ mɨ wo, nǝn gɔ fɔlɔ na naalǝbɔ a jel a mʊgɔ fɔlɔlɔm nɨ nʌbʌli, yɔ yɔ a daa nɨ jǝ jʌm gǝn nɛɨ.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

1 Yohana 4:3

Nʊ nɨ gwam a jǝla bɔ nǝn Yesui, mɨ nǝn Yʊwa Kwaamaɨ. Nʊ gɔ nǝngǝn nǝn yʊwa nɨ kɔ Kiristi lɛɨ, wʊnɨ jǝ́ nyʊwa gɔ bɛ lɛɨ, kǝngkɔ nyɔ a kwɛl a bɛ bɛɨ a yooli.