2 Tasalonikaɨ 1:9 - Dadiya NT

⁹ Jǝ nya nya mwɛl nǝn gaalan nɨ mɨ dɨtǝm woi. Jǝ wʊlaka ji wʊlaka jǝbɔ fɔlɔn lɔ Tɛlalɔɨ jǝbɔ kwaan dʊʊn gǝnɔ.

2 Tasalonikaɨ 1:9 Referans Kwoze

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

2 Tasalonikaɨ 2:8

Sǝla fɔlɔ kutʌm bwɨla nɨ a jel. Tɛlalɔ Yesu jʌ gǝn nǝn fǝbǝm nyiyo gǝnɔ. A kalǝm gǝn nǝn dʊʊlǝn gǝnɔ a di kɔkɔ bɛtǝm gǝnɔ gǝm.

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Filibii 3:19

Dɨltǝm jinɔ n bwaa, kwaama jinɔ n fʌl. Jǝ maa sʊtɔ jinɔ nǝn jǝ gunidul. Ja ya nǝl jinɔ a kanjǝl yooli nɨ.

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 7:23

Sǝla n sʊwa ji mǝʊ, ‘Mǝ nyǝm jen bɔ. Jǝ́ kʌlʌm mɨ fɔ, nǝb shil!’

Dʊgam Nyangnyang 20:14

Bwaagɔ jǝbɔ daa yamtǝm borangɔ jǝ mal ji a mʊgɔ gʌto kǝla. Gʌto kǝla nɨ nǝn gɔ bwaa na yogɨɨ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Luka 13:27

“Jǝla jen gɔ, ‘Mǝ nyǝm jen bɔ! Mǝ nyǝm bɔ daagɔ jǝ́ jelʌmi! Jǝ́ kʌlʌm mɨ, jǝ́ nǝb maajɨ bwɨlan gwam!’

Matta 22:13

Nǝngɔ fɔlɔgɔ a sʊwa nǝb fɛkalɨ maajɨ kangwaalɔ gɔ, ‘Jǝ́ bwabam kang gǝnɔ jǝbɔ naa gǝnɔ, jǝ́ mal gǝn a yooli, a kumtojili, n daa nɨ jǝ jim wi lɛ nǝn kʊʊtǝm nungʌni.’

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.

Yahuza 1:13

Ja maa na fʊnɨ mwɛ wɨma wʊnɨ mʊla lɛɨ, jǝ maa lɨyal lɛ nǝn gunidul jinɔ. Jǝ maamɔ nyanyamɨtɨn nɨ gǝ dǝngla tǝm lɛɨ, wʊnɨ ja fɛka gǝm daa kumtojili nɨ mɨ dɨtǝm woi.

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

2 Bitrus 2:17

Nǝb bwɨlam nɨ mɨ nǝn kaa jǝl. Ja maa na dɨyalɨ mwɛ nɨ a gʊmɨ, na lul mwɛ nɨ yʊwagɔ a gungʌmi. Bɨlǝngǝn Kwaama a fɛka jim daa yɨm a mʊgɔ kumtojili.

1 Tasalonikaɨ 5:3

Nǝn kwama gɔ nǝbɔ sʊwa gɔ, “Bǝ yɨ yɨm lǝma lɛ jǝbɔ yɨm kwamɨgǝnɨ,” kǝngkɔ kǝngkɔ nɨ kalatǝmɔ bɛ jim bɛ, kanga butotǝmɔ gǝ ta nɔɔlɨ nɨ lɛ nǝn fʌli, mɨ gola bʊʊtǝm wo.

Yohana 5:14

Nǝngɔ Yesu a nya gǝn a Kan Kwaamanɨ, a sʊwa gǝn gɔ, “Kuwo ń gun! Bɛ bǝla maatǝm bwɨlangkɛlɔ, kage kaa jʊ nɨ a laa wʊnɨ a nya ń.”

Matta 26:24

Bʊla Nǝlɨ shu shu kanga ja mʊla a dul gǝnɨ. N mwɛ nʊ nɨ a lungto Bʊla Nǝlɨ! Na a bʊm nyɔ ja bʌ gǝn bɔ.”

Matta 24:30

A kwama gɔ jǝ kuwo kuwo kaa jǝ nʊngtǝm a dʌbʌl kwama, na Bʊla Nǝlɨ a nʊng dul gǝnɨ. Nǝbɔ a yooli nɨɨ ji ji wi bwaa, na ja kuwo Bʊla Nǝlɨ bɛ lɛ a mʊgɔ luli, nǝn kwaan jǝbɔ gʌleng dʊʊlǝn gǝnɔ.