2 Korinti 1:7 - Dadiya NT

⁷ Yatǝm nǝl nǝnɔ a daa jen woi, a kwam, jʊ a bwɨɨ nǝn nyǝm kanga jǝ́ mʊrka dul jǝbɔ nǝn a mʊgɔ nɔɔtǝm gaalanɨ, yǝlam nyɔ jǝ́ mʊrka mʊrka dul jǝbɔ nǝn a mʊgɔ yʌbtǝm nǝl.

2 Korinti 1:7 Referans Kwoze

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

2 Korinti 7:9

A kǝngkɔ mǝ maa fulotǝm nǝl lɛ. Ke bɔ kaltǝm nǝlɔ jǝ́ maa kwaagɨɨ, kaltǝm nǝl jenɔ a dǝg jen jǝ́ yǝla jǝ́ bǝla bwɨlangkɛl jenɔ. Jǝ́ maa kaltǝm nǝl nɨ Kwaama swɨ lɛɨ. Jǝ́ lɛ bɔ kaa jǝl a kɛl dul nǝn.

2 Korinti 1:14

kanga jǝ́ kwɛl jǝ́ nyǝm nǝn dǝm nyɨɨ, sǝ jǝ́ maa lɨyal nǝn nǝn, nǝn tǝnǝn nǝn maa lɨyal nǝn jen, nǝn di Tɛlalɔ bǝn Yesu bɛm lɛɨ.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

Matta 23:30

Jǝ́ sʊwa jengɔ, ‘Na na bǝ wo a jol tʊgalam bǝnɨ, na bǝ tɨka ji bɔ jʌbotǝm nǝbkuwotǝmkǝgagɔ.’

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.