2 Bitrus 3:1 - Dadiya NT

¹ Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.

2 Bitrus 3:1 Referans Kwoze

2 Timoti 1:6

N jʊ a bwɨ mǝ swɨ lɛ n bʊʊla mʊnɨ, bɛ ń fɛ ń maa maajɨ nǝn lǝma nɨ mʊ nǝnɨ, wʊnɨ Kwaama a nǝ ńɨ, nǝn kwama mǝ ya mʊn kang bwilii.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Timoti 5:22

Ka ń gaala lɛ nu ń ya kaa nǝl gǝm kang bwili. Ka ń dǝg lɛ dul mʊnɔ a bwɨlangkɛl kaam nǝbɨɨ. Bɛ ń kɨla dul mʊnɔ sagsag.

Matta 5:8

Bwiligɔ na a nǝbɔ nǝn nǝl sagsagɨɨ, jʊ a bwɨɨ jǝ kuwo kuwo Kwaama.

2 Korinti 13:2

Kwama mǝ dakini nǝbɔ jeni, n gʊ lɔl nǝb nɨ a maa bwɨlangkɛl galɨgǝnɨ jǝbɔ tangǝnɔ gwam. A kǝngkɔ mɨ mǝ woi, mǝ gʊ jim lɔl lɛ, kanga mǝ maa a yɔm mǝndɨ gǝm na yogɨɨ, mǝʊ na n yǝla n yɔɨ, mɨsɔ mǝ maa jim gaan nɛ.

Ibranii 6:9

Fatǝm nyan nǝnɔ, nǝn jǝla nǝn jen dangǝn a dul jʊtǝb nɨ a bʊm a kɛl bʊʊtǝmɨ, kanga nǝn sʊwa nyɔ a dul jʊtǝb nɨ a bwa bwaɨ.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

2 Bitrus 3:17

Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.

Yahuza 1:5

Mǝ swɨ lɛ na n bʊʊla jem, jǝ́ kwɛl jǝ́ nyǝm kanjǝl nɨ dangǝn, Tɛlalɔ a jǝg nǝbam gǝnɔ a tǝm Masar. Nǝn guli, a jʌbo nǝb nɨ a nǝ bɔ bɨlǝngkɛlɨ.