2 Bitrus 2:19 - Dadiya NT

¹⁹ Jǝ maa jim swatǝm yaa nyatǝm dul. Ji nǝn kang jin, jǝ jwaalɛb a maatǝm jǝ bwɨlan, n kanjǝlɔ kal ji lɛɨ. Jʊ a bwɨɨ nǝl a yǝlam jwaalɛ a dul jʊ nɨ a kʊwa gǝnɨ.

2 Bitrus 2:19 Referans Kwoze

Yohana 8:34

Nǝngɔ Yesu a jǝla ji gɔ, “Bɨlǝngkɛl, mǝ sʊwa jen nɛɨ, nʊ nɨ maa bwɨlangkɛl lɛɨ, n bwɛ jwaalɛ bwɨlangkɛl.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

2 Timoti 2:26

Na a bwɨ nyɨɨ, jǝ yǝla jǝ bɛ bɛ a bʊʊlalɨ jinɔ gǝm. Jǝ jel jel a lan Mammɨ nɨ a ta jii, wʊnɨ a dǝg ji ja bwangtǝn jʊ gǝ swɨ lɛɨ.

2 Bitrus 2:20

Na na nǝb nɨ a nyǝm gɔ Tɛlalɔ bǝn Yesu Kiristi nǝn Nǝbʊʊlɨɨ, na ja nya bʊʊtǝm a mʊgɔ kanjǝl nɨ kal nǝbɔ lɛ a mʊgɔ yooli nɨɨ, na nǝn gul ja yǝla tag ja dǝg dul jinɔ a mʊgɔ gǝnɨ, nǝn gɔ kʊwa ji lɛɨ, nǝb nɨ yɨm jinɔ bwɨla bwɨla a dɨltǝmɔ gǝm a laa na tɨkǝgagɔ.

Maajɨ Bɛtɔ Twamagɨɨ 19:16

Nǝngɔ nʊ nɨ nǝngǝn nǝn bwɛlaaɨ a mɔ a yal tʌgo a ji gǝmɨ, a laa kwaan jinɔ gwamɨ. Ja gun ja jela a lɔgɔ kʊnkʊn nǝn sʊgɔl, bʊtɔ jinɔ gwam dɛɛbǝl.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.