1 Yohana 5:14 - Dadiya NT

¹⁴ Bǝ nǝn bɨtǝm nǝl bǝ tɨ a kǝga Kwaamaɨ, jʊ a bwɨɨ, na bǝ kel kanjǝlɔ a swɨtǝm gǝnɨ, gǝ nyʊwa bǝn nyʊwa.

1 Yohana 5:14 Referans Kwoze

Yohana 14:13

Gwam jʊ nɨ jǝ́ kel a mʊgɔ dun mɨɨ, mǝ maa maa, sǝ Tɛ bwɛ a nya dʊʊlǝn a dul Bʊla gɨɨ.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Matta 21:22

Na jǝ́ nǝ bɨlǝngkɛlɨ, jʊ nɨ gwam jǝ́ kela Kwaama a mʊgɔ keli, jǝ́ nya nya.”

Yakubu 4:3

Nǝn kwama jǝ́ kelaɨ, mɨsɔ jǝ́ nya lɛ jʊ a bwɨɨ mɨ jǝ́ kel lɛ a gola nyan. Jǝ́ swɨ lɛ jǝ́ jʌ kanjǝl nɨ jǝ́ nyaɨ, a kanjǝl bwɨla na nyʊwatǝm lǝma bʊtɔ jen.

Yohana 9:31

Bǝ nyǝm Kwaama mɨ gǝ nyʊwa nǝb bwɨlangkɛlɔ lɛ. Gǝ nyʊwa nyʊwa nʊ nɨ gwam bǝlá gǝn nɛɨ, maa jʊ nɨ lɛ Kwaama swɨ lɛɨ.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Yohana 16:24

A ba la nǝn kǝngkǝnɨ, jǝ́ kela bɔ kaa jǝl a mʊgɔ dun mɨ. Jǝ́ kel, jǝ́ yo yo, sǝ fulotǝm nǝl jenɔ a yii.

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

Ibranii 10:35

A dul kɛl nɨɨ, ka jǝ́ gɨya lɛ kʊtǝm nǝl jenɔ, jʊ a bwɨɨ nyatǝm lǝmagɔ wo a lada.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Yohana 11:42

N nyǝm nyǝmɨ mʊ nyʊwa ɨ lɛ. Mǝ sʊwa jʊ nɨ, sǝ nǝb nɨ tɨlam fǝɨ, ja nǝ bɨlǝngkɛl gɔ nǝmɔ mʊ twam ɨɨ.”

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.