1 Yohana 5:11 - Dadiya NT

¹¹ Wʊnɨ nǝn gɔ nǝtǝm nyiyo gɔ, Kwaama a nǝ bǝn kʊlɨ nɨ mɨ dɨtǝm woi, kʊlɨ nɨ gǝ na a mʊgɔ Bʊla gɨɨ.

1 Yohana 5:11 Referans Kwoze

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

1 Yohana 4:9

N gola nɨ Kwaama a nʊng swɨtǝm gǝnɔ a daa bǝn woi: A twam Bʊla gɔ wʊnɨ win swar a yoolii sǝ bǝ nya kʊlɨ nɨ mɨ dɨtǝm woi a gola gǝn.

Yohana 1:4

A daa gǝ woi kʊlɨgɔ wo, kʊlɨ nɨ nǝn gɔ a bɛ nǝn nyalǝm a nǝbɔ gǝmɨ.

1 Yohana 5:10

Gwam nʊ nɨ a nǝ bɨlǝngkɛl nǝn Bʊla Kwaamaɨ, nǝngǝn nǝn nǝtǝm nyiyo nɨ bɛ lɛ a daagɔ Kwaama woi a nǝl gǝn. Gwam nʊ nɨ a nǝ bɔ bɨlǝngkɛlɨ, a do Kwaama n nǝ gabakɛl, jʊ a bwɨɨ, ga nǝ bɔ bɨlǝngkɛl a nǝtǝm nyiyo Kwaamaɨ a maa Bʊla gɔ gǝmɨ.

Yohana 19:35

Nʊ nɨ a kuwo jʊ nɨ a bwɨɨ, nǝn gɔ a nǝ nyiyo a dul gǝnɨ. Nǝtǝm nyiyo gǝnɔ, n bɨlǝngkɛl. Gǝ nǝn dul gǝn a nyǝm gɔ gǝ sʊwa bɨlǝngkɛl, gǝ nǝ nyiyo sǝ jen tʌjen jǝ́ nǝ bɨlǝngkɛl.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Yohana 6:68

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

1 Yohana 5:7

Kanjǝl nǝtǝm nyiyogɔ wo taal,

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

1 Timoti 1:16

Kwaama a ji bʊnǝn mǝndɨ, sǝ Yesu Kiristi a nʊng nǝbɔ kʊtǝm nǝl gǝnɔ jǝbɔ mɨɨ, mǝ nɨ mǝ laa ji bwɨlangkɛlɨ. A maa nyɔ sǝ n yǝlam jǝ nʊngtǝm a kaam nǝb nɨ nǝ bɨlǝngkɛl lɛ a daa gǝ woi, ja nya kʊlɨ nɨ mɨ dɨtǝm woi.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

3 Yohana 1:12

Nǝbɔ a nǝ nyiyo nyan a dul Dimitiriyasɨ, bɨlǝngkɛlɔ dul gǝn a nǝ nyiyo nyɔ. Bǝn tǝbǝn bǝ nǝ nyiyo. Ń nyǝm nǝtǝm nyiyo bǝnɔ n bɨlǝngkɛl.

Yohana 12:50

N nyǝm diil gǝnɔ bɛ bɛ nǝn nyatǝm kʊlɨ nɨ mɨ dɨtǝm woi. Jʊ mǝ sʊwa gwamɨ, n jʊ Tɛtɛ a sʊwa ɨ gɔ n sʊwaɨ.”

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Dʊgam Nyangnyang 1:2

Nǝngɔ Yohana a sʊwa gwam jʊtǝb nɨ a kuwoi. Wʊnɨ nǝn gɔ twamagɔ Yohana a sʊwa nǝbɨɨ. Twama nɨ a jel a daagɔ Kwaama woi, n jʊ Yesu Kiristi a sʊwaɨ, a maaɨ.

Yohana 6:47

“Bɨlǝngǝn mǝ sʊwa jen nɛɨ, nʊ nɨ a nǝ bɨlǝngkɛl a daa mǝ woi, a nya kʊlɨ nɨ mɨ dɨltǝm woi.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Yohana 4:36

Nǝ katǝmɔ nya nya ywatǝm, mʊr kanjǝlɔ lɛ wʊnɨ yɔ lɛ nǝn a kʊlɨ nɨ mɨ dɨtǝm woi. N jʊ a bwɨ nǝ kwaltǝmɔ jǝbɔ nǝ katǝmɔ jǝ maa fulotǝm nǝl lɛ dakinii.

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Yohana 1:19

Wʊnɨ nǝn gɔ nǝtǝm nyiyo nɨ Yohana a nǝ nǝn kwama nɨ Yahudawagɔ a Urushalimaɨ ja twam nǝbkǝlamɔ jǝbɔ nǝbɔ Lawii, gɔ ya ja bʌ gǝn gɔ, “Nǝmɔ mʊ wo?”

Yohana 4:4

Yesu a kuwo n dǝngdǝng gǝ bwangtǝn gola nɨ a dɔ a tǝm Samariyaɨ.

1 Yohana 4:10

Swɨtǝmɔ a na nyɔ: Ke bɔ bǝn bǝ swɨ Kwaama lɛɨ, nǝn gɔ a swɨ bǝnɨ, a twam Bʊla gɔ sǝ ba tǝla tʊʊm gǝnɔ na kǝlǝmtǝm bwɨlangkɛl bǝnɨ.