1 Yohana 3:24 - Dadiya NT

²⁴ Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 3:24 Referans Kwoze

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

1 Yohana 2:6

Nʊ nɨ gwam sʊwa lɛ gɔ gǝ yǝm a mʊgɔ Yesui, bɛ ga yɨ yɨm nɨ Yesu a yɨɨ.

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

1 Yohana 4:7

Jǝ́ fatǝm nyan mǝndɨ, bɛ bǝ swɨka, jʊ a bwɨɨ swɨtǝmɔ na a Kwaamaɨ. Gwam nʊ nɨ maa swɨtǝm lɛɨ, n bʌtʌm Kwaamaɨ, a nyǝm Kwaama tag.

Yohana 17:21

Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

1 Yohana 3:22

Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Yohana 10:38

Na maajɨgɔ mǝ maa lɛɨ, na jǝ́ nǝ bɔ bɨlǝngkɛl nǝn mǝɨ, jǝ́ nǝ bɨlǝngkɛl nǝn maajɨgɔ, sǝ jǝ́ nyǝm tag jengɔ, Tɛtɛ gǝ na a mʊgɔ mɨ, mǝ tǝmɨ mǝ na a mʊgɔ Tɛtɛɨ.”

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

1 Tasalonikaɨ 4:8

Gǝ na nyɔ, gwam nʊ nɨ a kɔ jǝlatǝm nǝn mɛlalɨ nɨɨ, n ke bɔ nǝl ga kɔɨ, nǝn Kwaama ga kɔɨ, gǝ nɨ nǝ jen Yʊwa gǝnɔ lɛɨ.

1 Yohana 2:3

Na bǝ bwangtǝn diiltɨn gǝnɔ lɛɨ, n gola nɨ bǝ nyǝm lɛ bǝ nyǝm gǝnɨ.

1 Yohana 2:5

Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

1 Yohana 2:24

Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.