1 Yohana 3:22 - Dadiya NT

²² Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.

1 Yohana 3:22 Referans Kwoze

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Yohana 9:31

Bǝ nyǝm Kwaama mɨ gǝ nyʊwa nǝb bwɨlangkɛlɔ lɛ. Gǝ nyʊwa nyʊwa nʊ nɨ gwam bǝlá gǝn nɛɨ, maa jʊ nɨ lɛ Kwaama swɨ lɛɨ.

Matta 21:22

Na jǝ́ nǝ bɨlǝngkɛlɨ, jʊ nɨ gwam jǝ́ kela Kwaama a mʊgɔ keli, jǝ́ nya nya.”

1 Yohana 5:14

Bǝ nǝn bɨtǝm nǝl bǝ tɨ a kǝga Kwaamaɨ, jʊ a bwɨɨ, na bǝ kel kanjǝlɔ a swɨtǝm gǝnɨ, gǝ nyʊwa bǝn nyʊwa.

Markus 11:24

Gǝ na nyɔ mǝ sʊwa jen nɛ, jʊ nɨ gwam jǝ́ kela Kwaama a mʊgɔ keli, bɛ jǝ́ nǝ bɨlǝngkɛl jengɔ jǝ́ kwɛl jǝ́ nya nyaɨ, bwɨ bwɨ nyɔ.

Yohana 14:13

Gwam jʊ nɨ jǝ́ kel a mʊgɔ dun mɨɨ, mǝ maa maa, sǝ Tɛ bwɛ a nya dʊʊlǝn a dul Bʊla gɨɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Yohana 8:29

Nʊ nɨ a twam ɨɨ, gǝ na jǝbɔ mǝ. A bǝla ɨ bɔ kwaamɨ, jʊ a bwɨɨ mǝ maa jʊ nɨ gǝ swɨ lɛɨ kwangkwang.”

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Yohana 6:29

Nǝngɔ Yesu a jǝla ji gɔ, “Wʊnɨ nǝn gɔ jʊ Kwaama swɨ lɛɨ, jǝ́ nǝ bɨlǝngkɛl a nʊ nɨ ga twamɨ.”

Filibii 4:18

Ja ywa ɨ kanjǝlɔ gwam, a shu kwaan. N nyʊwa lǝma dangǝn nǝn tɨkalɨgɔ jǝ́ twam mɨ a kang Abafaroditasɨ. A maa na jǝ twɨtǝm yulʌn nɨ nǝn kunʌn nyaɨ, jǝ yotǝm wʊnɨ fulo Kwaama gǝm nǝl lɛɨ.

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Yakubu 4:3

Nǝn kwama jǝ́ kelaɨ, mɨsɔ jǝ́ nya lɛ jʊ a bwɨɨ mɨ jǝ́ kel lɛ a gola nyan. Jǝ́ swɨ lɛ jǝ́ jʌ kanjǝl nɨ jǝ́ nyaɨ, a kanjǝl bwɨla na nyʊwatǝm lǝma bʊtɔ jen.

1 Yohana 2:3

Na bǝ bwangtǝn diiltɨn gǝnɔ lɛɨ, n gola nɨ bǝ nyǝm lɛ bǝ nyǝm gǝnɨ.