1 Yohana 3:21 - Dadiya NT

²¹ Jǝ́ fatǝm nyan mǝndɨ, na nǝl bǝnɔ a nʊng bǝn bɔ gɔ bǝ nǝb bwɨlangkɛlɨ, bǝ nǝngǝn nǝn kwaan bʊtɔ nɨ bǝ tɨ lɛ a kǝga Kwaamaɨ.

1 Yohana 3:21 Referans Kwoze

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

1 Yohana 5:14

Bǝ nǝn bɨtǝm nǝl bǝ tɨ a kǝga Kwaamaɨ, jʊ a bwɨɨ, na bǝ kel kanjǝlɔ a swɨtǝm gǝnɨ, gǝ nyʊwa bǝn nyʊwa.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

1 Korinti 4:4

Mǝ nyǝm bɔ mǝ mǝ nǝn kaa bwɨlangkɛl wo a nǝl mɨ. Jʊ nɨ a nʊng bɔ gɔ mǝ ke bɔ nǝ bwɨlangkɛl. Tɛlalɔ n nʊ fɨɨ ɨ lɛ sǝ a mwatɨ mɨ borangɨ.

1 Timoti 2:8

A daa maatǝm keli gwam mǝ swɨ lɛ batǝmɔ a maa keli, jǝ gung kang sagsag lɛ, mɨ nabwɨl wo jǝbɔ gʊbkatǝm.

Roma 14:22

Nǝtǝm bɨlǝngkɛlɔ mʊ nǝn a dul kanjǝl nɨɨ, bɛ ń ta gǝn a tɨbǝl mʊn jǝbɔ Kwaama. Bwiligɔ na a nʊ nɨ nǝl gǝnɔ a nǝ gǝn bɔ bwɨlangkɛl a dul jʊ bʊʊlalɨ gǝnɔ a do n dǝngdǝngɨ.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

1 Yohana 2:7

Jǝ́ fatǝm nyan mǝndɨ, n ke bɔ kaa diil fɨ mǝ mʊla jem lɛɨ. N diil galɨ nɨ jǝ́ nǝngǝn nǝn tɨkǝgaɨ. Diil galɨ nɨ nǝn gɔ kɛl nɨ jǝ́ nyʊwaɨ.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Yohana 3:20

Kwama nɨ nǝl bǝnɔ a nʊng bǝn gɔ bǝ nǝb bwɨlangkɛlɨ, Kwaamagɔ a laa nǝl bǝnɔ. A nyǝm kanjǝlɔ gwam.