1 Yohana 3:2 - Dadiya NT

² Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Yohana 3:2 Referans Kwoze

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

1 Korinti 13:12

Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

1 Korinti 15:49

Kanga ja bʌ bǝn bǝ do jelkalǝng nǝfilii, n kanga bǝ do jelkalǝng nʊ nɨ lɛ a dʌbʌli.

Dʊgam Nyangnyang 22:4

Jǝ kuwo kuwo kǝga gǝnɔ. Dun gǝnɔ jǝ mʊla mʊla a tɛkǝgatɨn jinɔ gǝm.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.

1 Korinti 2:9

Kanga a mʊla mʊlaɨ sʊwa lɛ gɔ, “Kanjǝl nɨ nugɔ a kuwo bɔ woi, lɔlɔ a nyʊwa bɔ woi, a dɔ bɔ mʊgɔ nǝl nǝlɨ woi, n kanjǝlɔ Kwaama a fɛka nǝb nɨ gǝm swɨ gǝn nɛɨ.”

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Roma 8:18

A kuwotǝm mǝndɨɨ, gaalan nɨ bǝ gʌ lɛɨ a yooli nɨ kǝngkɨɨ, a la bɔ ja mʊrka jǝbɔ dʊʊlǝn nɨ jǝ nʊng bǝn nɛ a kǝga nɨɨ.

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Matta 5:8

Bwiligɔ na a nǝbɔ nǝn nǝl sagsagɨɨ, jʊ a bwɨɨ jǝ kuwo kuwo Kwaama.

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

Luka 17:30

“Yǝlam nyɔ nǝn kwama Bʊla Nǝlɨ yǝla ba nʊngǝm dul gǝnɔ lɛɨ.

Luka 20:36

Mɨsɔ jǝ bʊla bwaa lɛ wo tag, jǝ dǝngdǝng jǝbɔ bɛtɔ twama Kwaamaɨ, n bɛtɔ lɔ Kwaamaɨ, kanga nɨ ja gun a bwaaɨ.

Yohana 1:12

A nǝb nɨ gwam a yo gǝnɨ, a nǝ bɨlǝngkɛl a daa gǝ woi, a nǝ ji fɔlɔn ja yǝlam bɛtɔ lɔ Kwaamaɨ.

Yohana 11:52

Yesu mɨsɔ bʊla lɛ a dul Yahudawagɨɨ kwaaji. Bʊla bʊla tag, sǝ a mʊr bɛtɔ lɔ Kwaamaɨ wʊnɨ ja kwɨya tǝmɔ nǝn kwanɨ, sǝ ja yǝlam win.

Roma 8:16

Yʊwagɔ nǝn dul gǝn, jǝbɔ yʊwa bǝnɔ jǝ nǝ bwatǝm guu lɛ, sʊwa lɛ gɔ bǝn bǝ bɛtɔ lɔ Kwaamaɨ.

Roma 8:19

Kanjǝl nɨ gwam Kwaama a fwalɨ, jǝ ya nǝl lɛ nyangǝn, jǝ yam Kwaama lɛ sǝ a nʊng bɛtɔ lɔ gɨɨ.

1 Yohana 2:7

Jǝ́ fatǝm nyan mǝndɨ, n ke bɔ kaa diil fɨ mǝ mʊla jem lɛɨ. N diil galɨ nɨ jǝ́ nǝngǝn nǝn tɨkǝgaɨ. Diil galɨ nɨ nǝn gɔ kɛl nɨ jǝ́ nyʊwaɨ.

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.

1 Yohana 3:21

Jǝ́ fatǝm nyan mǝndɨ, na nǝl bǝnɔ a nʊng bǝn bɔ gɔ bǝ nǝb bwɨlangkɛlɨ, bǝ nǝngǝn nǝn kwaan bʊtɔ nɨ bǝ tɨ lɛ a kǝga Kwaamaɨ.

Dʊgam Nyangnyang 2:28

“Mǝ nǝ gǝn nǝ tulkasi kumsʌlɔ.