Biblia Todo Logo
Bib sou entènèt

- Piblisite -




1 Yohana 3:19 - Dadiya NT

19 Na bǝ swɨka lɛɨ, n daa bǝ nyǝm lɛ bǝ na a bɨlǝngkɛlɨ, bǝ tɨ tɨ a kǝga Kwaamaɨ nǝn kwaan bʊtɔ.

Gade chapit la Kopi




1 Yohana 3:19
15 Referans Kwoze  

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.


Jǝ́ fatǝm nyan mǝndɨ, na nǝl bǝnɔ a nʊng bǝn bɔ gɔ bǝ nǝb bwɨlangkɛlɨ, bǝ nǝngǝn nǝn kwaan bʊtɔ nɨ bǝ tɨ lɛ a kǝga Kwaamaɨ.


Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”


Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.


N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.


A jǝla nǝn sʊwa lɛ gɔ, Kwaama nǝn kwaan yiitǝm swatǝm yaa gǝnɔ.


Na jǝ́ maa swɨkatǝm lɛɨ, n daagɔ nǝbɔ gwam nyǝm lɛ gɔ jǝ́ bɛtɔ mɛlalɨ mɨɨ.”


A bǝnɔ bǝ nyǝm bǝ kwɛl bǝ bʊʊ bwaagɔ gǝm, bǝ nya kʊlɨgɔ, jʊ a bwɨɨ bǝ swɨ kɛtǝlam bǝnɔ lɛ. Nʊ nɨ mɨ maa yɨm swɨkan nɛɨ, n yɨm bwaa yɨmɨ.


Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.


N jǝla nǝn mǝʊ mɨ jʊ nɨ wo wʊlaka bǝn nɛ jǝbɔ swɨtǝm Kwaamaɨ. Na n bwaaɨ, na n kʊlɨɨ, na n bɛtɔ twama Kwaamaɨ, na n nǝblaamɨ, na n kanjǝl nɨ kǝngkɨɨ, na n kanjǝl nɨ bɛ lɛ a kǝgaɨ, na n kwaan fɔlɔntɨnɨ,


Mǝ mʊla jem lɛ a nʊng bɔ jǝ́ nyǝm bɔ bɨlǝngkɛl. Mɨ nyɔ. Mǝ mʊla jem jʊ a bwɨɨ jǝ́ nyǝm nyǝmɨ, jǝ́ nyǝm mɨ gabakɛl gǝ jel lɛ a mʊgɔ bɨlǝngkɛl.


Kwama nɨ nǝl bǝnɔ a nʊng bǝn gɔ bǝ nǝb bwɨlangkɛlɨ, Kwaamagɔ a laa nǝl bǝnɔ. A nyǝm kanjǝlɔ gwam.


Swiv nou:

Piblisite


Piblisite