1 Yohana 3:15 - Dadiya NT

¹⁵ Gwam nʊ nɨ kɔ kɨla gǝ lɛɨ, n nǝ jʌtǝm dul. Jǝ́ nyǝm mɨ nʊ nɨ wo jʌ dul lɛɨ nya kʊlɨ nɨ lɛ mɨ dɨtǝm woi.

1 Yohana 3:15 Referans Kwoze

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Maajɨ Bɛtɔ Twamagɨɨ 23:14

Nǝngɔ ja yɔ a daagɔ dʊʊm nǝbkǝlamɔ woi jǝbɔ nǝb dʊʊm nǝbɨɨ ja sʊwa gɔ, “Nǝn wɛɛl wɛɛlɨ nǝngɔ mɨsɔ nǝn ja lɛ, mɨsɔ nǝn nɔɔ lɛ, na nǝn jʌ bɔ Bulusi.

Yakubu 1:15

Bwɨlang wɛlɔ na a do fʌli, gǝ bʌm bwɨlangkɛl. Bwɨlangkɛlɔ na a dʊʊlɨ, gǝ bʌm bwaa.

Maajɨ Bɛtɔ Twamagɨɨ 23:12

Nǝn tǝmsɛlɨɨ, Yahudawagɔ a fwam gɔ jǝ jʌ jʌ Bulus. Jǝ wɛɛl wɛɛlɨ gɔ mɨsɔ jǝ ja jǝl lɛ mɨsɔ jǝ nɔɔ lɛ na jǝ jʌ bɔ Bulusi.

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Markus 6:19

Hirudiya a ta Yohana a nǝl gǝn, swɨ lɛ a jʌ gǝn, a nya bɔ gola.

Matta 5:28

A dul kɛl nɨ kǝngkɔ mǝ sʊwa jen nɛ, na nʊ nɨ a dʌng nɔɔlɨ nǝn wɛl maatǝm buloni, a kwɛl a maa bulon jǝbɔ gɔ a mʊgɔ nǝl gǝn.

1 Bitrus 1:23

Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

1 Yohana 2:9

Na kaa win a do gɔ gǝ na a mʊgɔ nyalǝmɨ, nǝngɔ maa kii lɛ jǝbɔ kɨla gɨɨ, gǝ na a mʊgɔ kumtojili dɨn.

1 Yohana 2:11

Nʊ nɨ kɔ kɨla gɔ lɛ tagɨ, gǝ na a kumtojili, n kumtojili gǝ yɔ lɛ woi. A nyǝm bɔ daa nɨ gǝ fam naa gǝnɔ lɛɨ, jʊ a bwɨɨ kumtojiligɔ a kul nǝn gɔ.