1 Yohana 2:25 - Dadiya NT

²⁵ Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

1 Yohana 2:25 Referans Kwoze

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

1 Yohana 1:2

Kʊlɨ nɨ Kwaama a nʊngɨ, nǝn kuwo. Nǝn gɔ nǝn nǝ nyiyo lɛɨ, nǝn sʊwa jen kʊlɨ nɨ mɨ dɨtǝm woi, wʊnɨ dakini jǝbɔ Tɛtɛɨ, ja nʊng gǝn a daa nǝn woi.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Yohana 12:50

N nyǝm diil gǝnɔ bɛ bɛ nǝn nyatǝm kʊlɨ nɨ mɨ dɨtǝm woi. Jʊ mǝ sʊwa gwamɨ, n jʊ Tɛtɛ a sʊwa ɨ gɔ n sʊwaɨ.”

Yohana 6:68

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

1 Timoti 6:19

Nǝn gɔ n gola nɨ jǝ ya dul jinɔ gǝm shilo lɛɨ, wʊnɨ nǝn gɔ n fʌlʌm nyan a kǝga nɨɨ, sǝ ja kwal kʊlɨ nɨ n bɨlǝngǝnɨ.

Yohana 6:54

Na nʊ nɨ a wo nam bʊtɔ mǝndɨ, a nɔɔ tʊʊm mǝndɨ, nǝngǝn nǝn kʊlɨ nɨ mɨ dɨtǝm woi, mǝ gung gǝn gung a kɔkɔ dɨltǝm tag.

Yohana 6:47

“Bɨlǝngǝn mǝ sʊwa jen nɛɨ, nʊ nɨ a nǝ bɨlǝngkɛl a daa mǝ woi, a nya kʊlɨ nɨ mɨ dɨltǝm woi.

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Luka 18:30

gaa nyatǝm jʊ nɨ lɛ a lada a kal nɨɨ. A kal nɨ bɛ lɛɨ, gǝ nya nya kʊlɨ nɨ mɨ dɨltǝm woi tag.”

1 Timoti 1:16

Kwaama a ji bʊnǝn mǝndɨ, sǝ Yesu Kiristi a nʊng nǝbɔ kʊtǝm nǝl gǝnɔ jǝbɔ mɨɨ, mǝ nɨ mǝ laa ji bwɨlangkɛlɨ. A maa nyɔ sǝ n yǝlam jǝ nʊngtǝm a kaam nǝb nɨ nǝ bɨlǝngkɛl lɛ a daa gǝ woi, ja nya kʊlɨ nɨ mɨ dɨtǝm woi.

Galatiya 6:8

Nʊ nɨ a kwal kwala a wɛl swɨtǝm nǝl gǝnɨ, nǝn gɔ yɔ lɛ nǝn gɔ a kʌsotǝm bwaaɨ. Nʊ nɨ a kwal kwala nɨ fulo Yʊwa Kwaamaɨ gǝm nǝl lɛɨ, nya nya kʌsotǝm kʊlɨ nɨ mɨ dɨtǝm woi.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Yohana 3:15

sǝ nʊ nɨ a nǝ bɨlǝngkɛl a daa gǝ woi a nya kʊlɨ nɨ mɨ dɨtǝm woi.”

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”