1 Yohana 2:16 - Dadiya NT

¹⁶ Kanjǝlɔ a mʊgɔ yooli nɨɨ nǝn gɔ wɛl bʊtɔ, jǝbɔ dǝlatǝm nu, jǝbɔ gungtǝm dul a jʊ nɨ gǝ nǝngǝnɨ. Kanjǝl nɨ a bɛ bɔ a daagɔ Tɛtɛ woi. A bɛ a yooli nɨ gǝm.

1 Yohana 2:16 Referans Kwoze

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

Yakubu 3:15

Yʊlan nɨ ke bɔ a wʊnɨ gǝla lɛ a dʌbʌli, na a yooli nɨɨ. Ke bɔ a sagsag, na a mammɨ.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

2 Bitrus 2:10

A ga keli a nǝb nɨ a dǝg dul a mʊgɔ wɛl bwɨlaɨ, wʊnɨ kal ji lɛɨ, jǝbɔ nǝb nɨ soga fɔlɔlɔm lɛɨ. N nǝb nɨ mɨ nǝn guniduli, nǝb kwamǝn dul, mɨ jǝ nyʊwa taal tuwol yʊwatɨn nɨ lɛ nǝn kwaan dʊʊnɨ.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

1 Bitrus 1:14

Jǝ́ yɨ yɨm bɛtɔ nǝtǝm dʊʊn. Ka jǝ́ bwangtǝn nɛ kanjǝl bwɨlantɨn nɨ jǝ́ maa lɛ galɨgǝnɨ, nǝn kwama nɨ jǝ́ nyǝm bɔ Kwaamaɨ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Matta 5:28

A dul kɛl nɨ kǝngkɔ mǝ sʊwa jen nɛ, na nʊ nɨ a dʌng nɔɔlɨ nǝn wɛl maatǝm buloni, a kwɛl a maa bulon jǝbɔ gɔ a mʊgɔ nǝl gǝn.

Luka 4:5

A daagɔ nǝngɔ Mammɔ a gwi nǝn gɔ a daa nɨ a deba debaɨ, nǝngɔ a nʊng gǝn fɔlɔn yooligɔ tʌgo a kang gwamɨ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Matta 4:8

Nǝngɔ mammɔ a do gǝn a yɔ nǝn gɔ a yem nɨ a deba nyɨɨ. Nǝngɔ a nʊng gǝn fɔlɔn yooli nɨ gwam jǝbɔ dʊʊlǝn jini.

1 Korinti 10:6

Kanjǝl nɨ n gʊtǝm lɔl a daa bǝn woi. Ka bǝ maa lɛ wɛl kanjǝl bwɨlantɨn kanga ja maaɨ.

Yakubu 4:16

N wɔ kǝngkǝnɨ jǝ́ lɨyal lɛ a jʊ nɨ jǝ́ maa lɛɨ. Maatǝm lɨyal nɨ, n maajɨ shil.