1 Yohana 1:8 - Dadiya NT

⁸ Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.

1 Yohana 1:8 Referans Kwoze

Roma 3:23

Jʊ a bwɨɨ nǝfitʌmɔ gwam a maa bwɨlangkɛl, ja gɨya tag a dʊʊlǝn Kwaamaɨ.

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

1 Yohana 2:4

Nʊ nɨ a sʊwa gɔ, “N nyǝm gǝn,” mɨ bwangtǝn diiltɨn gǝnɔ lɛɨ, n nǝ gabakɛl. Bɨlǝngkɛlɔ mɨ jǝbɔ gɔ.

1 Yohana 1:10

Na bǝ sʊwa bǝngɔ bǝ maa bɔ bwɨlangkɛlɨ, bǝ kǝl gǝm gabakɛl. Kɛl gǝnɔ mɨ a nǝl bǝn.

Galatiya 6:3

Na kaa nǝl do dul gǝnɔ lɛ gɔ gǝ kaa jǝlɨ, gǝ ke bɔ kaa jǝl, gǝ swag dul gǝn.

Yakubu 1:26

Na kaa nǝl bʊʊla lɛ gɔ gǝ nǝn jǝfʊlǝnɨ, mɨ ta nyiyo gǝnɔ lɛɨ, gǝ swag dul gǝn. Jǝfʊlǝn gǝnɔ jǝl nǝn kwan.

1 Timoti 6:5

Nǝngǝn nǝn gʊbkatǝm kɛl bwɨlan jǝbɔ nǝb nɨ bʊʊlalɨ jinɔ mɨ a nyiyo jǝlɨ, bɨlǝngkɛlɔ a bǝla ji. Nǝb nɨ kuwo lɛ gɔ bwangtǝm Kwaamaɨ n gola nyatǝm shiloi.

1 Korinti 3:18

Bɛ ka ń swag lɛ dul mʊnɔ. Na kaa nǝl a kʊm jen kuwo lɛ gɔ gǝ nǝ yʊlanɨ, kanga yooligɔ a do yʊlanɨ, bɛ ga do dul gǝnɔ gǝ nǝ fʌmʌn, sǝ ga yǝlam nǝ yʊlan.

2 Yohana 1:2

Nǝn swɨ jen nɛ a dul bɨlǝngkɛl nɨ yǝm a mʊgɔ nǝl bǝnɨ, bɨlǝngkɛl nɨ yɨ yɨ dakini jǝbɔ bǝn mɨ dɨtǝm wo.

1 Yohana 1:6

Na bǝ sʊwa bǝngɔ bǝ yɨ yɨm dakini lɛ jǝbɔ Kwaamaɨ, la bǝ yǝm a kumtojilii, bǝ maa gabakɛl, mɨ bǝn nǝn bɨlǝngkɛl.

Yakubu 1:22

Ka jǝ́ swag lɛ dul jenɔ. Ka jǝ́ yǝlam lɛ nǝb nyʊwatǝm kɛl Kwaamaɨ nǝn kwan. Bɛ jǝ́ yǝlam nǝb maatǝm gǝn tag.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

3 Yohana 1:3

N maa fulotǝm nǝl nǝn bɨlǝngǝn kaam kɛtǝlamɔ ja bɛ ba ja sʊwa ɨ maajɨ bɨlǝngkɛl mʊnɨ, kanga mʊ bwangtǝn bɨlǝngkɛlɔ lɛɨ.

2 Bitrus 2:13

Jǝ nɔɔ nɔɔ gaalan kanga ja nǝ nǝb nɨ gaalanɨ. Ja do gɔ jǝ nyʊwa lǝma lɛ, jǝ maa nɔɔlatǝm jǝbɔ maatǝm yʊwa nǝn sɨmang kɔkɔ. Yɨm jinɔ a kʊm jeni n jǝ gunidul, jʊ nɨ a bʊm bɔ tagɨ. Jǝ ja lɛ, jǝ nɔɔ lɛ jǝbɔ jen, jǝ maa jʊ nɨ lɛ jǝ swɨ lɛ ja maaɨ.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Roma 3:10

Kanga a mʊla mʊlaɨ sʊwa lɛ gɔ, “Mɨ nʊ nɨ wo dǝngdǝngɨ, mɨ wo win,

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.