1 Timoti 6:3 - Dadiya NT

³ Nʊ nɨ maa kaa mɛlalɨ lɛ nǝn kwanɨ, a jǝla bɔ nǝn kɛl nyan Tɛlalɔ bǝn Yesu Kiristii, jǝbɔ mɛlalɨ nɨ a yɔ dǝngdǝng jǝbɔ nǝl Kwaamaɨ.

1 Timoti 6:3 Referans Kwoze

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

1 Timoti 1:10

Ja maa diilɔ a dul nǝb kalalɨ, jǝbɔ batǝm nɨ daa lɛ nǝn kaam batǝmɨ, jǝbɔ nɔɔtǝm nɨ daa lɛ nǝn kaam nɔɔtǝmɨ, jǝbɔ nǝb nɨ kuu nǝb lɛɨ, jǝbɔ nǝb gabakɛl, jǝbɔ nǝb nǝtǝm nyiyo gabakɛl, jǝbɔ kanjǝl nɨ a yɔ bɔ dǝngdǝng jǝbɔ mɛlalɨ nyan nɨɨ.

Titus 1:9

nʊ nɨ a ta kɛl nɨ gwanggwang dǝngdǝng kanga ja mɛla gǝmɨ, sǝ a kʊʊ nǝbɔ gǝm nǝl nǝn mɛlalɨ nyan, sǝ a kal nǝb nɨ kɔ kɛl nɨ lɛɨ.

2 Timoti 4:3

Kwamagɔ bɛ bɛ, wʊnɨ nǝbɔ mɨsɔ kʊ nǝl lɛ a mɛlalɨ nyanɨ. Jǝ mʊr nǝb mɛlalɨ nɨ mɛla jim jʊ lɔl jinɔ swɨ lɛ a nyʊwaɨ, jʊ a bwɨɨ lɔl jinɔ ga lɛ gaɨ.

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

2 Timoti 1:13

Bɛ ń maa mɛlalɨ nǝn kɛl nyan nɨ mʊ nyʊwa a daa mǝ woi. Bɛ ń yɨ a mʊgɔ nǝtǝm bɨlǝngkɛl, jǝbɔ swɨkan a mʊgɔ Kiristi Yesui.

1 Timoti 1:6

Kaamɨ a bǝla gola kanjǝl nɨ, ja dɔ sʊwalatǝm katɨ nǝn kwan.

1 Tasalonikaɨ 4:8

Gǝ na nyɔ, gwam nʊ nɨ a kɔ jǝlatǝm nǝn mɛlalɨ nɨɨ, n ke bɔ nǝl ga kɔɨ, nǝn Kwaama ga kɔɨ, gǝ nɨ nǝ jen Yʊwa gǝnɔ lɛɨ.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Matta 22:21

Nǝngɔ ja sʊwa gǝn gɔ, “Na a Kaisarɨ.” Nǝngɔ Yesu a sʊwa ji gɔ, “Jǝ́ nǝ Kaisar jʊ nɨ na a Kaisarɨ, jǝ́ nǝ Kwaama jʊ nɨ na a Kwaamaɨ.”