1 Timoti 6:20 - Dadiya NT

²⁰ Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

1 Timoti 6:20 Referans Kwoze

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

2 Timoti 2:16

Bɛ ń tɨ a kʊta kʊtaɨ a sʊwalatǝm kɛl nɨ bɛ lɛ nǝn kaltǝm kɛl Kwaamaɨ. Gǝ dǝg dǝg nǝbɔ a sʊtǝn maatǝm kanjǝl nɨ mɨ dʊʊl Kwaama lɛɨ.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

1 Timoti 6:14

n mʊrka ń jǝbɔ Kwaama, bɛ ń bwangtǝn diil nɨ, mɨ duto wo, mɨ jǝ tuwol wo, a la nǝn kwama nɨ Tɛlalɔ bǝn Yesu Kiristi bɛm lɛ tagɨ.

2 Tasalonikaɨ 2:15

A na nyɔ kambɔ, bɛ jǝ́ tɨ a kwam, jǝ́ ta diiltɨn nɨ nǝn mɛla jemi gwanggwang, a nyiyo jǝbɔ mʊlalɨ.

Titus 3:9

Bɛ ń tɨ a kʊta jǝbɔ katɨ nɨ mɨ nǝn duli, jǝbɔ gʊbkatǝm a kɛl kiyotǝm tʊgam, jǝbɔ kʊkkan, jǝbɔ kɨlan a kɛl dul diil. Gwam jʊtǝb nɨ mɨ ji nǝn kaa bwili wo, n maajɨ nǝn kwan.

2 Timoti 2:1

A mʊnɔ bʊla mɨ, bɛ ń tɨ nǝn kwaan a gola lǝma a mʊgɔ Kiristi Yesui.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.

Titus 1:14

kage ja ya nǝl a jǝfʊlǝn Yahudawagɨɨ, jǝbɔ diil nǝbɨɨ, nǝb nɨ kɔ bɨlǝngkɛlɔ lɛɨ.

Titus 1:9

nʊ nɨ a ta kɛl nɨ gwanggwang dǝngdǝng kanga ja mɛla gǝmɨ, sǝ a kʊʊ nǝbɔ gǝm nǝl nǝn mɛlalɨ nyan, sǝ a kal nǝb nɨ kɔ kɛl nɨ lɛɨ.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

1 Timoti 4:7

Bɛ ń kɔ shinitɨn nɨ bɛ lɛ nǝn kaltǝm kɛl Kwaamaɨ, jǝbɔ fʌto katɨ nɨ mɨ a golaɨ. Bɛ ń mwɛ dul mʊnɔ a bwangtǝm Kwaamaɨ.

1 Timoti 1:6

Kaamɨ a bǝla gola kanjǝl nɨ, ja dɔ sʊwalatǝm katɨ nǝn kwan.

1 Timoti 1:4

Ka ja kal lɛ kwama jinɔ nǝn kwan a shinitɨn jǝbɔ kiyotǝm dun tʊgalam jinɔ nɨ a laa kwaanɨ. Kanjǝl nɨ gǝ bɛ nǝn gʊbkatǝm, mɨ gǝ bɛ lɛ nǝn dʊʊlǝn a fɛkalɨ Kwaamaɨ, wʊnɨ jǝ nyǝm lɛ a gola nǝtǝm bɨlǝngkɛlɨ.

1 Korinti 3:19

Yʊlan yooligɔ n fʌmʌn a daagɔ Kwaama woi. A mʊla mʊlaɨ gɔ, “Gǝ ta ta nǝb yʊlanɔ nǝn shil jinɔ.”

Maajɨ Bɛtɔ Twamagɨɨ 17:21

Gwam nǝbɔ Atinaɨ jǝbɔ faabǝm nɨ a Atinaɨ, jǝ swɨ nyʊwatǝm jǝ fɨ. Jǝ swɨ sʊwatǝm kɛl lɛ a dul gǝn. A laa jim kanjǝlɔ gwam.

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Dʊgam Nyangnyang 3:3

Bɛ ń fɛ bʊʊla jǝbɔ jʊ mʊ yo, mʊ nyʊwa tagɨ. Bɛ ń kɨla gǝn, yǝla bǝla bwɨlangkɛl mʊnɔ. Na mʊ gun bɔ a daatǝm dum mʊnɔ gǝmɨ, mǝ bɛ na nǝkuu. Mɨsɔ mʊ nyǝm kwama nɨ mǝ bɛm lɛ a daa mʊ woi.

Titus 1:4

Langǝn bwangǝn nɨ mǝ mʊlam Titus, bwɛ nya mǝndɨ a gola nǝtǝm bɨlǝngkɛl bǝnɨ. Bɛ lǝma jǝbɔ yɨm kwamɨgǝn a Kwaama Tɛtɛɨ, jǝbɔ a Kiristi Yesu Nǝbʊʊlɨ bǝnɨ a yɨ a daa mʊ woi.

1 Korinti 2:6

A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ.

Roma 1:22

Ja do gɔ jǝ nǝngǝn nǝn yʊlan, ja yǝlam nǝb nɨ mɨ nǝn yʊlanɨ.

Maajɨ Bɛtɔ Twamagɨɨ 16:1

Nǝngɔ Bulus a bɛ a Darba jǝbɔ Listiraɨ. Kaa bwɛ mɛlalɨ wo a Listira dunɔ nǝn Timoti, wʊnɨ nɛnɛ gɔ n bwɛn Yahudiyaɨ, n nǝ nǝtǝm bɨlǝngkɛl. Tɨya gɔ n bwɛ Girika.

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.