1 Timoti 6:11 - Dadiya NT

¹¹ Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

1 Timoti 6:11 Referans Kwoze

2 Timoti 2:22

Bɛ ń mwal swɨtǝm kanjǝl dǝlatǝm nu a lɔ bwayǝlɨ. Saa maajɨ nɨ dǝngdǝngɨ, jǝbɔ nǝtǝm bɨlǝngkɛlɔ, jǝbɔ swɨkanɔ, jǝbɔ yɨm kwamɨgǝn. Bɛ ń maa nyɔ mɔ jǝbɔ nǝb nɨ jo Tɛlalɔ lɛ nǝn nǝl sagsagɨɨ.

2 Timoti 3:17

sǝ bwɛ jwaalɛ Kwaamaɨ a yii dǝngdǝng nǝn fɛkalɨ dangǝn a maajɨ nyan gwam.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

1 Korinti 10:14

Gǝ na nyɔ, fatǝlam mɨ nɨ mǝ swɨ lɛɨ, jǝ́ mwal bwangtǝm shomɔ.

1 Bitrus 3:11

Bɛ ga bǝla bwɨlanɔ, ga maa jǝ nya. Bɛ ga saa yɨm lǝma, ga ta gwanggwang.

1 Korinti 6:18

Jǝ́ mwal bulonɔ. Pʌd tangǝn bwɨlangkɛlɔ nǝl maa lɛɨ, a ke bɔ bʊtɔ gǝnɔ na maatǝm bulonɔ. Nʊ nɨ maa bulon nɛɨ, gǝ maa bwɨlangkɛl nɨ kal bʊtɔ gǝnɔ lɛɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

1 Korinti 14:1

Jǝ́ kwam tʌgo a swɨkanɔ gǝm. Jǝ́ ya kwaan a saatǝm kanjǝl nǝtǝm lǝma Yʊwa. Jǝ́ do kuwotǝmkǝgagɔ a laa ji.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

2 Timoti 3:10

Mɔ, ń kwɛl ń nyǝm nyǝmɨ mɛlalɨ mǝndɨ, jǝbɔ gola yɨm mǝndɨ, jǝbɔ jʊ mǝ swɨ maatǝmɔ lɛɨ, jǝbɔ nǝtǝm bɨlǝngkɛl mǝndɨ, jǝbɔ kʊtǝm nǝl mǝndɨ, jǝbɔ swɨtǝm mǝndɨ, jǝbɔ bwatǝm nǝl mǝndɨ.