1 Timoti 5:3 - Dadiya NT

³ Bɛ ń nǝ nɔɔtǝmkʊlabɔ dʊʊn, nǝb nɨ mɨ nǝn nǝb tɨkalɨ.

1 Timoti 5:3 Referans Kwoze

Maajɨ Bɛtɔ Twamagɨɨ 6:1

A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.

1 Bitrus 2:17

Bɛ jǝ́ nɨ nǝbɔ pʌd dʊʊn. Jǝ́ swɨ kɛtǝlam nǝb bwangtǝmɔ. Jǝ́ nyʊwa taal Kwaamaɨ. Jǝ́ nǝ fɔlɔgɔ dʊʊn.

1 Bitrus 3:7

Jǝ́ batǝmɔ tʌjen, jǝ́ yɨ yɨm nyan jǝbɔ nɔɔtǝlam jenɔ, jǝ́ nǝ ji dʊʊn, jʊ a bwɨɨ, jǝ fatǝm nɨ mɨ nǝn kwaanɨ. Jen jǝbɔ nɔɔtǝlam jenɔ jǝ́ yo lǝma Kwaamaɨ nɨ n kʊlɨɨ, jǝ́ maa nyɔ ka kaa jǝl a kal keli jenɔ.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.

1 Tasalonikaɨ 2:6

Nǝn saa bɔ bǝlátǝm wo a daagɔ nǝbɨɨ, ke bɔ a daa jen woi jǝbɔ kaamɨ. Na na nǝn swɨ lɛɨ, na nǝn maa maajɨ nǝn fɔlɔn nǝnɔ na bɛtɔ twama Kiristii, na nǝn saa tɨkalɨ.

Maajɨ Bɛtɔ Twamagɨɨ 9:39

Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

Luka 7:12

Ya ja dwama nyanga tuulɔngɨɨ, kaam nǝb jǝ jel lɛ nǝn bʌlʌn bwaa kaa bwayǝlɨɨ, nɛnɛ gɔ a bʌ gǝn kwaagɔ win, n nɔɔkʊla. Nǝbɔ a lada a tuulɔ gɔ ja jel jǝ ywa gǝn nɛ.

Luka 2:37

A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Matta 15:6

N jʊ a bwɨ jǝfʊlǝn jenɔ a dǝg jen mɨ jǝ́ bwangtǝn kɛl Kwaamaɨ lɛɨ.

1 Timoti 5:2

Nɔɔtǝm dʊʊmɔ bɛ ń do ji na nɛtǝlam mʊn, bɛtǝnɔɔtǝnɔ na kɛtǝlam mʊn nǝn nǝl sagsag.

Yohana 1:47

Nǝn kwama Yesu a kuwom Nataniyel bɛ lɛ a daa gǝ woi, nǝngɔ a sʊwa gɔ, “Bwɛ nɨ n bwɛ Israila dangǝn, wʊnɨ mɨ nǝn gabakɛlɨ.”

Maajɨ Bɛtɔ Twamagɨɨ 9:41

Nǝngɔ Bitrus a mal kang a tɨka gǝn a guni. Nǝngɔ a jo nǝb bwangtǝm Kwaamaɨ jǝbɔ nɔɔtǝmkʊlabɔ, a nǝ ji gɔ nǝn dʊʊmɨɨ.