1 Timoti 5:21 - Dadiya NT

²¹ N mʊrka ń jǝbɔ Kwaama, jǝbɔ Kiristi Yesu, jǝbɔ bɛtɔ twama Kwaamaɨ nɨ ja jǝgamɨ, bɛ ń kɨla kanjǝl nɨ dangǝn, nǝn bɨlǝngǝn. Ka ń maa lɛ swɨtǝm dul.

1 Timoti 5:21 Referans Kwoze

2 Bitrus 2:4

Kwaama a nyʊwa bɔ bʊnatǝm bɛtɔ twama gǝnɨ kwama ja maam bwɨlangkɛlɨ, a mal ji a lɔ kǝla. A tʊng ji a bʊwantɨn nɨ a tushi a fi kumtojilii, sǝ ba la nǝn di mwatɨtǝm borangɔ.

2 Timoti 4:1

N mʊrka ń jǝbɔ Kwaama, jǝbɔ Kiristi Yesu nʊ nɨ maa borang lɛ a dul nǝb nɨ nǝn kʊlɨɨ jǝbɔ nǝbɔ a bʊla bʊlaɨ. N mʊrka ń jǝbɔ yǝlatǝm gǝnɔ jǝbɔ fɔlɔn gǝnɔ.

1 Timoti 6:13

N mʊrka ń jǝbɔ Kwaama, nʊ nɨ a nǝ kʊlɨ a kanjǝlɔ gǝm gwamɨ, n mʊrka ń jǝbɔ Kiristi Yesu, wʊnɨ a nʊng nǝtǝm nyiyo nyan a kǝga Buntus Bilatusi,

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

2 Timoti 2:14

Bɛ ń tɨtǝn bʊʊla jim kɛltɨn nɨ lɛ. Bɛ ń mʊrka ji jǝbɔ Kwaama, ka ja maa lɛ gʊbkatǝm a dul kɛltɨn, jʊ a bwɨɨ mɨ nǝn kaa bʊmǝn, gǝ kal nǝb nɨ nyʊwa lɛɨ.

2 Korinti 5:16

Kǝngkɔ a kǝga nɨ mɨsɔ nǝn dʌng kaa nǝl lɛ a kuwotǝm nǝfilii. Galɨgǝn nǝ dʌng Kiristi wo a kuwotǝm bʊtɔ. Kǝngkɔ mɨsɔ nǝ yǝla lɛ nǝn dʌng gǝn nyɔ.

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Dʊgam Nyangnyang 14:10

nyaka nyaka jǝbɔ gaalan Kwaamaɨ a nabwɨl gǝnɔ gǝm. Jǝ nǝ gǝn nǝ gaalan nǝn kǝla, wʊnɨ a fo, a shi, a kǝga bɛtɔ twama Kwaamaɨ sagsagɨɨ jǝbɔ Bɛ Galɔ.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

1 Tasalonikaɨ 5:27

N kel jen a kǝga Tɛlalɔɨ, jǝ́ kiyo langǝn bwangǝn nɨ a kǝga kambɨɨ gwam.

Luka 20:21

Nǝb jatɔl nɨ ja twamɨ, ja bʌ Yesu gɔ, “Nǝ mɛlalɨ, nǝ nyǝm kɛl mʊnɔ jǝbɔ mɛlalɨ mʊnɔ n bɨlǝngkɛl. Nǝ nyǝm ń bɔ nǝn swɨtǝm dul. Mʊ mɛla gola Kwaamaɨ lɛ a mʊgɔ bɨlǝngkɛl.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.