1 Timoti 5:17 - Dadiya NT

¹⁷ Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

1 Timoti 5:17 Referans Kwoze

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

Galatiya 6:6

Nʊ nɨ ja mɛla gǝm kɛl Kwaamaɨ, bɛ ga tǝga jǝ nyan nɨ gwam gǝ nǝnɨ jǝbɔ nʊ nɨ a mɛla gǝmɨ.

Luka 10:7

Bɛ jǝ́ yɨ a mʊgɔ lɔ gɔ, jǝ́ ja lɛ, jǝ́ nɔɔ jʊ nɨ lɛ ja nǝ jeni, jʊ a bwɨɨ a la nyɔ ja ywa nǝ maajɨ gaalan gǝnɔ a maaɨ. Bɛ ka jǝ́ bwangtǝn nɛ lɔtɨnɔ gwam.

Ibranii 13:7

Bɛ jǝ́ bʊʊla nǝn nǝb dʊʊm jenɔ galɨgǝnɨ, nǝb nɨ a kiyo jem kɛl Kwaamaɨ. Jǝ́ dʌng yɨm jinɔ. Bɛ jǝ́ maa mɛlalɨ nǝn nǝtǝm bɨlǝngkɛl jinɔ.

2 Timoti 2:6

Nǝ jʊngtǝm twam nǝn kwaan bʊtɔ, nǝn gɔ tǝl yotǝm jǝjalǝn twamɔ lɛ nǝn tɨkǝgaɨ.

Filibii 2:29

Bɛ jǝ́ yo gǝn nǝn fulotǝm nǝl dangǝn a mʊgɔ Tɛlalɔɨ. Bɛ jǝ́ nǝ nǝb nɨ na gɨɨ dʊʊn,

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

Maajɨ Bɛtɔ Twamagɨɨ 28:10

Ja nǝ nǝn lǝmagɔ a lada nyɔ. Ya nǝn gun nɛ a tɨyamwɛngɨ, nǝngɔ ja mʊr nǝm jʊ nǝn saa lɛ gwamɨ.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

Roma 16:12

Jǝ́ yal Tarafina jǝbɔ Tarafusa nɔɔtǝm nɨ gʌ lɛ a mʊgɔ maajɨ Tɛlalɔɨ. Jǝ́ yal Barsisa, fwal mɨ nyangǝn, nʊ nɨ gʌ lɛ nǝn maajɨ a dul Tɛlalɔɨ.

Roma 15:27

Ja nyʊwa lǝma maatǝmɔ nyɔ, jʊ a bwɨɨ a yǝlam jim na naan a dul jin. Bʌtʌbɔ a tǝga bwili yʊwagɔ dakini jǝbɔ ji. A yǝlam nyɔ tʌji ja tǝga bwili yooligɔ jǝbɔ ji.

Filibii 4:3

Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.

1 Korinti 16:16

jǝ́ nǝ nǝb nɨ dʊʊn gwam, jǝbɔ nǝb nɨ n fatǝm maajɨ bǝn jǝbɔ gaalan bǝnɨ.

Maajɨ Bɛtɔ Twamagɨɨ 11:30

Ja maa nyɔ. Ja twam tɨkalɨ nɨ a kang Barnabaɨ jǝbɔ Shawulu, sǝ ja nǝ nǝb dʊʊm nǝb bwangtǝm nɨ a Yahudiyaɨ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

1 Timoti 3:5

Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?

Filibii 2:16

Jǝ́ ta kɛl kʊlɨ nɨ gwanggwang. Na jǝ́ ja kǝga nǝn maatǝm nyɨɨ, na Kiristi a bɛɨ, mǝ maa maa sʊtɔ. Mǝ sʊwa sʊwa mǝʊ maajɨ mǝndɨ jǝbɔ gaalan mǝndɨ, a yɔ bɔ nǝn kwan.

Matta 24:25

N kwɛl n sʊwa jen sʊwaɨ, sǝla a bwɨɨ.

Ibranii 13:24

Jǝ́ yal nǝb dʊʊm jenɔ, jǝbɔ nǝb bwangtǝm Kwaamaɨ gwam. Nǝb nɨ fɔ a tǝm Italiyaɨ yal jen nɛ.

1 Timoti 4:10

N dul kɛl nɨ bǝ dɔta lɛɨ, jʊ a bwɨɨ bǝ ya nǝl bǝnɔ a daagɔ Kwaama nɨ nǝn Kʊlɨɨ, wʊnɨ nǝn gɔ Nǝbʊʊlɨ nǝbɔ a yoolii gwamɨ, a ga keli a nǝb nɨ a nǝ bɨlǝngkɛlɨ.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Yohana 4:38

Mǝ twam jen sǝla jǝ́ ka jʊ nɨ jǝ́ maa bɔ gaalan gǝnɨ. Kaam nǝbɔ a maa gaalanɔ, a jenɔ jǝ́ yo sʊtǝm nyatǝm a gaalan jinɔ gǝm.”

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

1 Timoti 5:3

Bɛ ń nǝ nɔɔtǝmkʊlabɔ dʊʊn, nǝb nɨ mɨ nǝn nǝb tɨkalɨ.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

1 Korinti 3:9

Nǝn nǝ fatǝm maajɨ Kwaamaɨ. Jen jǝ́ tɔtwam Kwaamaɨ, mɔtǝm Kwaamaɨ tag.

1 Timoti 4:14

Bɛ ka ń bǝla lɛ lǝma nɨ ja nǝ ńɨ, wʊnɨ ja nǝ ń a kuwotǝmkǝgaɨ, nǝn kwama nɨ mʊrkalɨ nǝb dʊʊm bwangtǝmɔ a ya mʊn kangɨ.

1 Timoti 5:19

Ka ń yo lɛ kɛl tuwol a dul nǝ dʊʊ mʊrkalɨ nǝb bwangtǝm Kwaamaɨ, na ke bɔ a nyiyo nǝb nǝtǝm nyiyo yo a yɔ nǝn a taal ja sʊwa gɔ gǝ na nyɨɨ.