1 Timoti 4:3 - Dadiya NT

³ N nǝbɔ kaa nǝb lɛ a naakan jǝbɔ jatǝm kaam jǝjalǝnɨ, wʊnɨ Kwaama a fwal nǝb nǝtǝm bɨlǝngkɛlɔ gǝmɨ, ja nyǝm bɨlǝngkɛlɔ, ja yo nǝn buutǝm kang.

1 Timoti 4:3 Referans Kwoze

1 Timoti 4:4

Jʊ nɨ Kwaama a fwal pʌdi na a nyan. Ka jǝ́ kɔ lɛ kaa jǝl na jǝ́ kwɛl jǝ́ yo nǝn buutǝm kangɨ,

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

Roma 14:6

Pʌd nʊ nɨ a kuwo kaa kumɔ a laa gǝm kaa kum a bǝlátǝm Tɛlalɔɨ, gǝ maa nyɔ sǝ a nǝ Tɛlalɔ dʊʊn. Nʊ nɨ ja nam lɛ tagɨ, gǝ maa nyɔ sǝ a nǝ Tɛlalɔ dʊʊn. Nʊ nɨ jǝgam lɛ jǝgamɨ, gǝ maa nyɔ sǝ a nǝ Tɛlalɔ dʊʊn. Gǝ tǝgǝn gǝ maa nyɔ sǝ a buu Kwaama gǝm kang.

Kolosii 2:16

A dul jʊ nɨ, ka jǝ́ jǝla lɛ kaa nǝl a nǝ jen bwɨlangkɛl a dul jʊ nɨ jǝ́ ja lɛɨ, jǝbɔ jʊ nɨ jǝ́ nɔɔ lɛɨ. Ka jǝ́ jǝla lɛ kaa nǝl a nǝ jen bwɨlangkɛl a dul kɨlatǝm dikulom Jeltǝm Bwaala, jǝbɔ Kum Fǝbtǝm tag.

1 Korinti 8:8

Jǝjalǝn mɨsɔ yɔ lɛ nǝn bǝn a daagɔ Kwaama woi. Na bǝ jaɨ, bǝ sʊ bɔ kaa jǝl. Na bǝ ja bɔ tagɨ, bǝ yal bɔ a kaa jǝl.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

1 Korinti 7:28

Na ń naa nɔɔlɨɨ, mʊ maa bɔ bwɨlangkɛl. Na bwɛnɔɔlɨ a naa balɨɨ, a maa bɔ bwɨlangkɛl. A kaa gola pʌd nǝb nɨ maa naakan nɛɨ, jǝ nyʊwa nyʊwa nǝn bʊtɔ. A kuwotǝm mǝndɨ mǝ shigʌm jem tuulo a dul jen.

Roma 14:3

Bɛ ka nʊ nɨ gǝ ja jǝjalǝn nɨ lɛ gwamɨ, ya soga lɛ nʊ nɨ jǝgam lɛ jǝgamɨ. Bɛ ka nʊ nɨ jǝgam lɛ jǝgamɨ, ya kuwo bwɨlan nʊ nɨ lɛ ja lɛ gwamɨ, jʊ a bwɨɨ Kwaama a kwɛl a yo gǝn yoi kangɔ yo.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

1 Korinti 6:13

Jǝjalǝnɔ ja maam fʌl. Fʌlɔ ja maam jǝjalǝn.” Kwaama kal kal gwam jinɔ yo, wʊnɨ jǝbɔ a wuleni. Bʊtɔgɔ n ke bɔ a bulon, na a Tɛlalɔɨ, Tɛlalɔ nǝn gɔ dʌng bʊtɔgɔ lɛɨ.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Matta 15:36

Nǝngɔ a do kʊkkʊm nɨ nʌbʌli jǝbɔ jʌngigɔ a buu Kwaama gǝm kangɨ, a kǝlsa a nǝ bɛtɔ mɛlalɨ gǝnɨ, ji tʌji ja nǝ nǝbɨɨ.

Matta 14:19

Nǝngɔ a sʊwa nǝbɔ gɔ ja yɨ yɨɨ a dʌbʌl yǝlaɨ. Nǝngɔ a do kʊkkʊm nɨ nʊɨ jǝbɔ jʌngitɨn nɨ yoi, a gung dul gǝnɔ a dʌbʌli, a buu Kwaama gǝm kangɨ, nǝngɔ a kǝlsa kʊkkʊmɨ. Nǝngɔ a nǝ bɛtɔ mɛlalɨ gǝnɔ gɔ ja nǝ nǝbɔ.

Maajɨ Bɛtɔ Twamagɨɨ 27:35

A sʊwa nyɨɨ, nǝngɔ a do kʊkkʊmɔ a buu Kwaama gǝm kang a kǝga jin gwamɨ, a tǝgaɨ, nǝngɔ a tǝl jatǝmɨ.

Yohana 6:23

Kaam tɨyamwɛngtɨnɔ a bɛ a Tibariya, ba ja tɨ nǝn dɔɔm a daa nɨ nǝbɔ a jam kʊkkʊmɔ a gul buutǝm kang Tɛlalɔɨ.

Luka 24:30

Kwama nɨ jǝ jam jǝjalǝnɔ lɛɨ, nǝngɔ a do kʊkkʊmɨ, a buu Kwaama gǝm kang, a kǝlsa, a tǝga jii.

Matta 15:11

Ke bɔ kanjǝl nɨ gǝ dɔ lɛ a nyiyo nǝlɨ gǝ kal gǝn nɛɨ, n kanjǝl nɨ gǝ jel lɛ a nyiyo nǝlɨ gǝ kal gǝn nɛɨ.”

1 Timoti 5:14

A dul kɛl nɨ, mǝ swɨ lɛ kal nɔɔtǝmkʊlabɔ ja naa batǝm, ja bʌ bɛtɨ, ja dʌng lɔ jinɔ. Ka ja nǝ lɛ nǝ kii bǝnɔ gola tuwol bǝn.