1 Timoti 2:7 - Dadiya NT

⁷ N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

1 Timoti 2:7 Referans Kwoze

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

2 Timoti 1:11

N kɛl dul fulon kɛl lǝmɨ nɨ Kwaama a dǝg ɨ mǝ yǝlam nǝ kiyotǝm kɛl Kwaamaɨ, jǝbɔ bwɛ twama, jǝbɔ nǝ mɛlalɨɨ.

Roma 9:1

N bɨlǝngkɛl mǝ sʊwa lɛɨ, ke bɔ gabakɛl, jʊ a bwɨɨ mǝ na a Kiristi Yesui. Nǝl mɨ nǝn gɔ nɨ ɨ bwatǝm guu lɛɨ a gola Yʊwa Kwaamaɨ gɔ

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Galatiya 1:20

Jʊ nɨ mǝ mʊla jem lɛɨ ke bɔ gabakɛl. Bɨlǝngkɛl a kǝga Kwaamaɨ mǝ sʊwa lɛɨ.

Galatiya 1:16

a nʊng ɨ bʊla gɔ, sǝ n kiyo fulon kɛl lǝmɨ gǝnɔ a daagɔ Bʌtʌbɔ woi. Mǝ yo bɔ mɛlalɨ a daa kaa nǝl woi.

Roma 11:13

Jǝ́ Bʌtʌbɔ, mǝ sʊwa jen nɛ, mǝ nɨ mǝ bwɛ twama Bʌtʌbi, mǝ maa lɨyal lɛ nǝn maajɨ mǝndɨ.

2 Bitrus 2:5

A nyʊwa bɔ bʊnatǝm nǝb bwɨlan nɨ galɨgǝn tagɨ. Kwama a tʊng mwɛ fʌlʌmtǝm yooli a dul nǝb nɨ a bwangtǝn bɔ Kwaamaɨ, a kɨla Nuhu jǝbɔ kaam nǝbɔ nʌbʌl. Nuhu a sʊwa fulon kɛlɔ sǝ nǝbɔ a yɔ dǝngdǝng jǝbɔ Kwaama.

Galatiya 3:9

Kǝngkǝnɨ nǝb nɨ a nǝ bɨlǝngkɛl a daagɔ Kwaama woi, Kwaama nǝ ji nǝ bwili dakini jǝbɔ Ibrahim, nǝ nǝtǝm bɨlǝngkɛlɔ.

2 Korinti 11:31

Kwaama wʊnɨ nǝn gɔ nǝn Tɛtɛ Tɛlalɔ bǝn Yesui, wʊnɨ bǝlátǝmɔ na a gɔ mɨ dɨtǝm woi, a nyǝm ke bɔ gabakɛl mǝ maa lɛɨ.

Roma 10:14

Jǝ maa keli nyǝn a daa nʊ nɨ ja nǝ bɔ bɨlǝngkɛl a daa gǝ woi? Jǝ nǝ bɨlǝngkɛlɔ nyǝn a nʊ nɨ ja nyʊwa bɔ woi? Jǝ nyʊwa nyǝn tag na mɨ nʊ nɨ wo a kiyo jimi?

Maajɨ Bɛtɔ Twamagɨɨ 26:20

Mǝ tǝl sʊwatǝm nǝbɔ Dimaskaɨ kɛl Kwaamaɨ, nǝngɔ a la nǝbɔ Urushalimaɨ jǝbɔ Yahudiyagɔ, nǝngɔ a la Bʌtʌbi, mǝʊ ja bǝla bwɨlangkɛl jinɔ ja yǝla a daa Kwaama woi, sǝ ja maa kanjǝl nɨ nʊng lɛ ja yǝla ja bǝla bwɨlangkɛl jini.

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Yohana 7:35

Nǝngɔ Yahudawagɔ a sʊwaka a kang bʊtɔ jin gɔ, “Gǝ yi a fee, mɨsɔ bǝ nya gǝn nɛɨ? Kɛna yi a daagɔ Yahudawa nɨ a kwɨya tǝmɔ nǝn kwan jǝ yǝm jǝbɔ nǝbɔ Girikaɨ, sǝ ya mɛla nǝbɔ Girikaɨ gǝm lɛ fʌleni?

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Roma 1:9

Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.

1 Korinti 9:1

Mɨ mǝ nǝn nyatǝm dul ka? Mǝ ke bɔ bwɛ twama ka? Mǝ kuwo bɔ Yesu Tɛlalɔ bǝn ka? Jǝ́ ke bɔ maajɨ mɨ a mʊgɔ Tɛlalɔɨ ka?