1 Timoti 2:5 - Dadiya NT

⁵ Kwaama win, nʊ a tɨbǝl bǝn jǝbɔ Kwaamaɨ win. Nǝfili nɨ nǝn Kiristi Yesu,

1 Timoti 2:5 Referans Kwoze

Galatiya 3:20

Nʊ nɨ a tɨbǝlɨ, gǝ nʊng a shu nǝl win. Kwaamagɔ win.

1 Korinti 8:6

Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Ibranii 8:6

Bɨlǝngǝnɔ n wɔ, Yesu a nya maajɨ nǝkǝla nɨ a laa a nǝbkǝlamɨɨ, kanga swatǝm yaa nɨ a yǝlam a tɨbǝl bǝnɨ a laa a galɨgɨɨ, wʊnɨ ja yo gǝn a dul swatǝm yaatɨn nɨ a laa a galɨgɨɨ.

Afisa 4:6

Kwaama win, nǝn gɔ nǝn Tɛtɛ bǝn gwam, wʊnɨ a dul bǝn gwamɨ, maa maajɨ lɛ a daa bǝn woi gwam, nǝn gɔ a mʊgɔ bǝn gwam tagɨ.

1 Korinti 8:4

A kɛl jatǝm jǝjalǝn nɨ ja tǝlam shomɔ gǝm twamaɨ, bǝ nyǝm yooligɔ pʌd, shomɔ mɨ a nyiyo kaa jǝl. Bǝ nyǝm Kwaama nǝn gɔ win swarɨ, mɨ kaa wo.

Matta 1:23

“Bwɛnɔɔlɨgɔ do do fʌl, bʌ bʌ bwɛ balɨ, jǝ ja gǝm dunɔ gɔ Immanuwel,” wʊnɨ nʊng lɛ gɔ, “Kwaama jǝbɔ bǝn.”

Dʊgam Nyangnyang 1:13

A tɨbǝl daatɨn swatǝm fitila nɨɨ, n kuwo kaa nǝl na Bʊla Nǝfilii, tɨm nǝn bɛllɛ somi a gǝla a tal gǝm a twam naa. Kuli gǝnɔ tag nǝn dwang fɛl mʊn.

Matta 1:1

Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:

Maajɨ Bɛtɔ Twamagɨɨ 4:12

Mɨ nyatǝm bʊʊlɨ wo a daa kaa nǝl woi, a mʊgɔ duntɨn nɨ gwam ja nǝ nǝbɨɨ, a dʌbʌl jǝbɔ tǝmɨ, na ke bɔ dun gǝn kwaagɔ bǝ nya bʊʊtǝm lɛɨ.”

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

1 Timoti 6:13

N mʊrka ń jǝbɔ Kwaama, nʊ nɨ a nǝ kʊlɨ a kanjǝlɔ gǝm gwamɨ, n mʊrka ń jǝbɔ Kiristi Yesu, wʊnɨ a nʊng nǝtǝm nyiyo nyan a kǝga Buntus Bilatusi,

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

Luka 14:22

“A ta bɔ bʊtɔ, nǝngɔ bwɛ jwaalɛ nɨ a yǝla a bɛ gɔ, ‘Tɛlalɔ, ya n maa jʊ mʊ sʊwaɨ, daagɔ a bǝla wo, nǝbɔ a yii bɔ.’