1 Tasalonikaɨ 4:5 - Dadiya NT

⁵ ke bɔ a gola bulon kanga Bʌtʌbɔ gǝ maam lɛɨ, nǝb nɨ a nyǝm bɔ Kwaamaɨ.

1 Tasalonikaɨ 4:5 Referans Kwoze

Galatiya 4:8

Galɨgǝn jǝ́ nyǝm bɔ Kwaamaɨ, jǝ́ yǝlam jwaalɛb a bwangtǝm shom jǝbɔ jǝfʊlǝntɨn, kanjǝl nɨ mɨ a nyiyo jǝlɨ.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 1:26

N jʊ a bwɨ Kwaama a bǝla ji maatǝm jǝ gunidul nɨ a bʊm bɔ kuwotǝmɨ. Nɔɔtǝlam jinɔ a fʌto daam fiyodaalɨgɔ jǝbɔ batǝmɔ jǝ daa a kang bʊtɔ jin.

Roma 1:24

Gǝ na nyɔ Kwaama a bǝla ji nǝn nǝl bwɨlangkɛl jinɔ na bulon, sǝ ja maa jǝ gunidul nǝn bʊtɔ jinɔ, a kʊm jin.

Maajɨ Bɛtɔ Twamagɨɨ 17:23

Kwama mǝ kɛlam lɛ a mʊgɔ tuulɔ nɨɨ, n dʌng kanjǝl nɨ jǝ́ maa gǝm bǝlátǝm lɛɨ. N kuwo daa twɨtǝm yulʌn wʊnɨ ja mʊla a dʌbʌl gǝn gɔ, ‘kwaama nɨ bə nyəm bɨɨ.’ Nʊ nɨ nǝn gɔ jǝ́ maa gǝm bǝlátǝm lɛ jǝ́ nyǝm bɨɨ, nǝn gɔ nʊ mǝ sʊwa jen nɛɨ.

Luka 12:30

Nǝb nɨ a yooli nɨ a nyǝm bɔ Kwaamaɨ, jǝ saa kanjǝl gɔ. Tɨya jen nɨ a kwamaɨ a nyǝm komʌn jenɔ.

Matta 6:32

Nǝb nɨ a nyǝm bɔ Kwaamaɨ, saa kanjǝl nɨ lɛ gwam. Tɨya jen nɨ a kwamaɨ a nyǝm komʌn jenɔ.

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.