1 Tasalonikaɨ 4:11 - Dadiya NT

¹¹ Jǝ́ sʊtǝn kwaan, jǝ́ yɨ yɨm kwamɨgǝn, jǝ́ fɛ jǝ́ dʌng kanjǝl nɨ a kǝga jeni, jǝ́ maa maajɨ nǝn kang jenɔ, kanga nǝn sʊwa jeni.

1 Tasalonikaɨ 4:11 Referans Kwoze

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

1 Bitrus 3:4

Bɛ bʊmǝn jenɔ a yǝlam a bʊʊlalɨ mʊgɔ nǝl. Bɛ dʊʊl jenɔ, jǝbɔ yʌbtǝm dul jenɔ, jǝbɔ lǝma nǝl jenɔ wʊnɨ mɨsɔ dumo lɛ woi a yǝlam jǝ yotǝm nyan a kǝga Kwaamaɨ.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

1 Timoti 2:2

Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.

1 Korinti 4:12

N mɨbam nǝn nǝ ja lɛɨ. Na ja tuwo nǝnɨ, nǝn dǝg jim dǝg bwili. Na ja nǝ nǝn gaalanɨ, nǝn kʊ kʊ nǝl.

1 Bitrus 4:15

Na jǝ́ nɔɔ gaalanɨ, ka gaalan jenɔ ya yǝlam lɛ na mwɛl jʌtǝm dul, jǝbɔ kuul, jǝbɔ kaa maajɨ bwɨla, jǝbɔ dǝgtǝm nyiyo.

1 Timoti 5:13

A bɨtǝnɨ jǝ mɛla mɛla yɨm nǝn kwan, nǝb dɔbatǝm lɔ. Ke bɔ yɨm nǝn kwan kwaagɔ. Ja yǝlam nǝb yʊʊlatǝm nǝbɨɨ, nǝb dǝnglatǝm kɛl, jǝ sʊwala kanjǝl nɨ lɛ a bʊm bɨɨ.

2 Korinti 5:9

Na nǝ na a mʊgɔ bʊtɔ nɨɨ, na nǝ wʊlaka jǝbɔ bʊtɔ nɨ, swɨtǝm nǝnɔ nǝ fulo gǝm nǝl.

Roma 12:11

Bɛ ka jǝ́ shigem lɛ bʊtɔ a maajɨ kwaan. Jǝ́ maa kwaan a nǝl jen. Jǝ́ maa Tɛlalɔ gǝm maajɨ.

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Markus 13:34

Gǝ na na nʊ nɨ a jel shu lɛ a yɔmɨ. Shu lɛɨ, a bǝla dʌngtǝm lɔ gǝnɔ a kang bɛtɔ jwaalɛn gǝnɨ, gwam jinɔ ji nǝn jǝ maatǝm. A sʊwa nǝ dʌngtǝm nyanga lɔngɔ gɔ a yɨ nǝn fɛkalɨ.

Roma 15:20

Kwangkwang mǝ swɨ lɛ n kiyo fulon kɛl lǝmɨ a daatɨn nɨ ja nyǝm bɔ Kiristi woi, kage n mɔ tʌgo a fʌlʌm kaa nǝlɨ.

Maajɨ Bɛtɔ Twamagɨɨ 18:3

Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.