Biblia Todo Logo
Bib sou entènèt

- Piblisite -




1 Tasalonikaɨ 3:10 - Dadiya NT

10 Kum jǝbɔ kɔkɔ nǝn maa keli lɛ dangǝn mɨ tɨtǝm wo, sǝ nǝn nya kuwotǝm jenɔ kǝga jǝbɔ kǝga, sǝ nǝn yii jʊ nɨ a gɨya a nǝtǝm bɨlǝngkɛl jenɔ gǝmɨ.

Gade chapit la Kopi




1 Tasalonikaɨ 3:10
19 Referans Kwoze  

N fulotǝm nǝl nǝ maa lɛɨ na nǝ gɨyaɨ, jen jǝ́ kwam. Keli nǝnɔ bɛ jǝ́ yii dangǝn.


Bɛ Kwaama bǝnɔ, Tɛtɛ bǝn nǝn kang gǝn, jǝbɔ Tɛlalɔ bǝn Yesu, a fɛka nǝm gola sǝ nǝn yɔ a daa jen woi.


Ke bɔ kɛl nʊngtǝm kwaan a nǝtǝm bɨlǝngkɛl jenɔ gǝm nǝn nʊng jen nɛɨ. Mɨ nyɔ. Nǝn maa maajɨgɔ dakini jǝbɔ jen, sǝ jǝ́ maa fulotǝm nǝl, jʊ a bwɨɨ jǝ́ tɨ nǝn kwaan a nǝtǝm bɨlǝngkɛl jenɔ gǝm.


N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.


N kɛl nɨ kwangkwang nǝn maa jem keli lɛɨ. Bɛ Kwaama bǝnɔ a dǝg jǝ́ yii jotǝm gǝnɔ. Bɛ kwaan gǝnɔ a tɨka jen jǝ́ maa kanjǝl nyanɔ gwam wʊnɨ jǝ́ ya nǝl maatǝmɔ lɛɨ. Bɛ ga tɨka jen jǝ́ maa jʊ nǝtǝm bɨlǝngkɛl jenɔ dǝg jen nɛɨ, jǝ́ maa jʊ jǝ́ swɨ lɛ jǝ́ maaɨ.


N jǝla gǝ na nyɔ, n nyǝm mǝ yɨ yɨ nǝn kʊlɨ sǝ n ja kǝga nǝn tɨkalɨ jenɔ gwam, sǝ jǝ́ dʊʊl, jǝ́ maa fulotǝm nǝl nǝn nǝtǝm bɨlǝngkɛl jenɔ.


N nyǝm nyɔ, n jʊ a bwɨ mǝ swɨ na n yɔ a daa jen woi nǝn tɨkǝgaɨ, sǝ jǝ́ nya yotǝm bwili naagɔ yo.


N swatǝm yaa nɨ dʊʊm nǝnɔ kʊb jeli yoi ja ya nǝl sǝ ja kuwo yiitǝm gǝnɨ, kanga jǝ bǝlá Kwaama lɛ kum jǝbɔ kɔkɔɨ. Fɔlɔgɔ, Yahudawagɔ tuwo i lɛ, jʊ a bwɨɨ n yatǝm nǝl a swatǝm yaa nɨ mǝ nǝnɨ!


Kaa jʊ wɔ: Bɛ ń fɛka mɨ kan shigtǝmɔ, jʊ a bwɨɨ mǝ ya nǝl lɛ ja nɨ ɨ gola n yɔ a daa jen woi a kɛl dul maatǝm keli jenɔ gǝm.


Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.


N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.


A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.


Pʌd kanjǝl nɨ naal nǝn kʊlɨɨ, gwam jǝ nǝngǝn nǝn bɨlǝntɨnɔ nukun, bʊtɔ jinɔ n nutɨn gwam mʊgɔ jǝbɔ yooli, kum jǝbɔ kɔkɔ mɨ jǝ bǝla sʊwatǝmɔ lɛ gɔ, “Nǝ Sagsag, Nǝ Sagsag, Nǝ Sagsag Tɛlalɔ Kwaama, Nǝ Kwaan! Nǝn gɔ galɨgǝnɨ, nǝn gɔ kǝngkɨɨ, nǝn gɔ tag a kǝgaɨ.”


A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.


A kɛl dul jʊ nɨ, “Jǝ tɨm a kǝga kotere fɔlɔn Kwaamaɨ, jǝ maa gǝm maajɨ lɛ kum jǝbɔ kɔkɔ a mʊgɔ Kan Kwaaman. Nʊ nɨ yǝm a dʌbʌl kotere fɔlɔnɨ kɨla ji kɨla nǝn kwaan gǝnɔ.


Swiv nou:

Piblisite


Piblisite