1 Tasalonikaɨ 1:7 - Dadiya NT

⁷ N jʊ a bwɨ jǝ́ yǝlam jǝ mɛlalɨ a nǝb nǝtǝm bɨlǝngkɛl nɨ gwam a tǝm Makidoniyaɨ jǝbɔ Akayaɨ.

1 Tasalonikaɨ 1:7 Referans Kwoze

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

1 Bitrus 5:3

Ka jǝ́ nʊng lɛ nǝb nɨ a kang jeni dʊʊlǝn. Bɛ jǝ́ yǝlam jǝ mɛlalɨ a kʌm kwamɨ nɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

1 Tasalonikaɨ 1:8

N daa jen woi kɛl Tɛlalɔɨ a tǝl kwɨyatǝmɨ, ke bɔ a tǝm Makidoniya jǝbɔ Akaya kwaaji, a daatɨnɔ gǝm gwam ja nyǝm nǝtǝm bɨlǝngkɛl jenɔ a daagɔ Kwaama woi. Mɨ nǝ nǝn jǝ sʊwatǝm wo a dul gǝn.

Maajɨ Bɛtɔ Twamagɨɨ 16:12

A daa gɔ, nǝngɔ nǝn shu a Filibi wʊnɨ a mʊgɔ fɔlɔn Romaɨ, nǝn gɔ n dalɨ tuulɔ gwanga tǝm Makidoniyaɨ. Nǝngɔ nǝn maa kumtɨn woi.

2 Korinti 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ, nǝbɔ kɨla bǝn Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii, jǝbɔ nǝb sagsag nɨ pʌd a tǝm Akayaɨ.

Maajɨ Bɛtɔ Twamagɨɨ 1:13

Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.

1 Tasalonikaɨ 4:10

N bɨlǝngǝn jǝ́ swɨ kambɔ gwam a tǝm Makidoniyaɨ. Nǝn kel jen nɛ kambɔ, jǝ́ sʊtǝn maatǝmɔ nǝn bɨlǝngǝn dangǝn.

2 Korinti 9:2

Jʊ a bwɨɨ, n nyǝm jǝ́ nǝn a nǝl jen jǝ́ maa tɨkalɨ. Mǝ maa lɨyal lɛ nǝn jen a dul jʊ nɨ a daa nǝbɔ Makidoniyaɨ woi. Mǝ sʊwa ji lɛ mǝʊ mʊrkalɨ nǝb bwangtǝm Kwaamaɨ nɨ a tǝm Akayaɨ ja maa fɛkalɨ jol nɨ a shui. Jʊ jǝ́ swɨ maatǝmɔ lɛɨ, a gung kɔrɔ jinɔ gǝm nǝl nǝtǝm.

Maajɨ Bɛtɔ Twamagɨɨ 18:1

A gulɔ gǝm Bulus a bǝla Atinagɔ. A shu a Korinti.

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 19:21

A gul kanjǝl nɨ, Bulus a bʊʊla a nǝl gǝn gɔ, na gǝ kɛla tǝm Makidoniyagɔ jǝbɔ Akayaɨ, gǝ yi a Urushalima. A sʊwa tag gɔ, “Na n yɔ fʌleni, ya mǝ kuwo kuwo dalɨ tuulɔ Romagɔ.”

Roma 15:26

Nǝbɔ Makidoniyaɨ jǝbɔ nǝbɔ Akayaɨ, ja nyʊwa lǝma nǝtǝm tɨkalɨ a dul nǝb bʊnǝnɔ gǝm a mʊgɔ nǝb sagsag nɨ a Urushalimaɨ.