1 Korinti 9:12 - Dadiya NT

¹² Na kaamɨ nya nya gola a maa nyɨɨ, nǝn laa ji bɔ kwaan maatǝm nyɔ ka? Nǝn maa bɔ maajɨ nǝn gola nɨ nǝn nyaɨ. Nǝn kʊ nǝl nǝn kanjǝlɔ gwam, kage nǝn bɛ nǝn jʊ nɨ kal maajɨ kiyotǝm fulon kɛl lǝmɨ Kiristii lɛɨ.

1 Korinti 9:12 Referans Kwoze

2 Korinti 11:12

Jʊ mǝ maa lɛɨ, nǝn gɔ ya mǝ maa lɛɨ, dɨsɔ n mǝlǝm gola nǝb nɨ maa lɨyal lɛ gɔ maajɨ nǝnɔ win jǝbɔ a jini.

1 Korinti 9:18

Ywatǝm mǝndɨ n wɛ? N wɔ kwama nɨ gwam mǝ kiyo fulon kɛl lǝmɨ nɨ lɛɨ, swɨtǝm mɨ n kiyo nǝn kwan, mǝ maa bɔ maajɨ sǝ n nya jʊ nɨ a yǝlam a mɨɨ a kiyotǝm fulon kɛl lǝmɨ nɨɨ.

1 Korinti 9:15

Mǝ maa bɔ maajɨ nǝn jʊ nɨ wo win. Mǝ mʊla bɔ jʊ nɨ sǝ jǝ́ maa mɨ nyɔ. A laa jǝl n bʊla, na nǝl kal kal maajɨ lɨyal mɨ nǝn kwanɨ.

1 Korinti 9:2

Na kaamɨ a do i bɔ gɔ mǝ bwɛ twamaɨ, jen, mǝ bwɛ twama a daa jen woi, jʊ a bwɨɨ nǝjen jǝ́ jǝ nʊngtǝm gɔ mǝ bwɛ twama a Tɛlalɔɨ.

2 Korinti 11:20

Na kaa nǝl a dǝg jen jwaalɛnɨ, na a yo jǝ jen nǝn kwaanɨ, na a ja jeni, na a nʊng jen gɔ gǝ laɨ, na a jǝga jen a kǝgaɨ, jǝ́ kʊ nǝl.

2 Korinti 6:3

Mɨsɔ nǝn yǝlam kaa nǝl gǝm jǝ fǝtǝm naa lɛ, kage a kal maajɨ nǝnɔ.

1 Korinti 6:7

Kabkatǝm kɛl, n yalatǝm a daa jen woi. A laa bɔ jǝl jǝ́ kʊ nǝl, ja bǝm jen ka? A laa bɔ jǝl jǝ́ kʊ nǝl tag ja ja jen ka?

Roma 15:22

Kwangkwang maajɨ mɨɨ kʌshi i bɛtǝmɔ lɛ a daa jen woi.

Maajɨ Bɛtɔ Twamagɨɨ 18:3

Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.

Luka 11:52

“N mwɛ jen jǝ́ nǝb mɛlalɨ diilɔ! Jǝ́ dem jǝ wumtǝm nyǝmtǝmɔ, jen nǝn dul jen jǝ́ dɔ bɔ, jǝ́ bǝla bɔ nǝbɔ swɨ dɔtǝmɔ lɛɨ a dɔ.”

1 Korinti 9:14

Gǝ na nyɔ Tɛlalɔ a nǝ diil gɔ, a bʊm nyɔ nǝb nɨ sʊwa fulon kɛl lǝmɨ lɛɨ, jǝ ja nǝn ji a dul fulon kɛl lǝmɨ.

1 Korinti 9:16

Kiyotǝm Fulon kɛl lǝmɨgɔ n ke bɔ jǝ lɨyal. A yǝlam mɨ nyɔ n maa maajɨ nɨɨ. N mwɛ mɨ na mɨ mǝ kiyo fulon kɛl lǝmɨ nɨ lɛɨ.

1 Korinti 13:7

Swɨkanɔ gǝ dǝg dǝg bwatǝm nǝl kwangkwang, jǝbɔ jǝlakatǝm kwangkwang. Nǝngǝn nǝn yatǝm nǝl a kanjǝlɔ gǝm gwam kwangkwang, jǝbɔ kʊtǝm nǝl a kanjǝlɔ gǝm kwangkwang.

2 Korinti 2:12

Nǝn kwama mǝ bɛ a Taruwasa sǝ n kiyo fulon kɛl lǝmɨ Kiristii, Tɛlalɔ a wum mɨ gola sǝ n maa maajɨ fʌleni.