1 Korinti 8:13 - Dadiya NT

¹³ Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.

1 Korinti 8:13 Referans Kwoze

Roma 14:21

A bʊm nyɔ ka ń wo lɛ nam, ka ń nɔɔ lɛ bʊgɛ, ka ń maa lɛ jʊ nɨ gwam dǝg kɨla mɔ lɛ a fǝ naaɨ.

2 Korinti 11:29

Nuwo a gɨya, mǝ nyʊwa bɔ gɨyatǝm gǝnɔ a bʊtɔ mɨɨ? Nuwo ja dǝg gǝn a yal a bwɨlangkɛl, mǝ nyʊwa bɔ nabwɨl jini?

2 Korinti 6:3

Mɨsɔ nǝn yǝlam kaa nǝl gǝm jǝ fǝtǝm naa lɛ, kage a kal maajɨ nǝnɔ.

1 Korinti 13:5

Swɨkanɔ mɨ nǝn dʊʊlǝn dul, mɨ gǝ maa swɨtǝm dul lɛ. Swɨkanɔ mɨ gǝ nʊng shilotǝm nǝl lɛ, mɨ gǝ ta nǝl lɛ a nǝl.

1 Korinti 6:12

Kaam jenɔ gɔ, “Kanjǝlɔ gwam ja jǝla mɨ maatǝmɔ.” Nǝngɔ mǝ sʊwa mǝʊ, “Ke bɔ kanjǝlɔ gwam n jǝ nyaɨ.” Kaam jenɔ gɔ, “Kanjǝlɔ gwam ja jǝla mɨ maatǝmɔ.” Nǝngɔ mǝ sʊwa mǝʊ, “Mɨsɔ mǝ yǝlam bwɛ jwaalɛ kanjǝl lɛ.

1 Korinti 10:33

Mǝ maa sǝ n fulo nǝbɔ gǝm nǝl a mʊgɔ kanjǝlɔ gǝm gwam mǝ maa lɛɨ. Ke bɔ dul mɨ mǝ saam lɛɨ. Mǝ maa nyɔ a dul nǝbɨɨ a lada sǝ ja nya bʊʊtǝm.

1 Korinti 9:12

Na kaamɨ nya nya gola a maa nyɨɨ, nǝn laa ji bɔ kwaan maatǝm nyɔ ka? Nǝn maa bɔ maajɨ nǝn gola nɨ nǝn nyaɨ. Nǝn kʊ nǝl nǝn kanjǝlɔ gwam, kage nǝn bɛ nǝn jʊ nɨ kal maajɨ kiyotǝm fulon kɛl lǝmɨ Kiristii lɛɨ.

Matta 17:27

Bǝ swɨ bɔ ja kal nǝl. Yɔ a wɨma ya ta jʌngigɔ. Jʌngi nɨ mʊ ta nǝn tɨkǝgaɨ, wum nyiyo gǝnɔ mʊ nya nya kemʌn sǝlǝnɔ wo, sǝ ń do ń nɨ nǝb yotǝm kemʌn tǝmɔ, ywa ywa kemʌn tǝm mǝndɨ jǝbɔ a jenɔ.”

Maajɨ Bɛtɔ Twamagɨɨ 15:20

Bɛ bǝ mʊla jim langǝn bwangǝn bǝ sʊwa ji ka ja ja lɛ jǝjalǝn nɨ ja tǝlam shomɔ gǝm twamaɨ, ka ja maa lɛ bulon, bɛ ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm.

Roma 14:13

Bɛ bǝ bǝla kuwotǝm bwɨlan a kʊm bǝn. Na a bʊm nyɔ ń do a nǝl mʊn, mɨsɔ yǝlam jǝ fǝtǝm naa lɛ jǝbɔ yaltǝm kɨla mʊɨ.

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.