1 Korinti 8:1 - Dadiya NT

¹ Kǝngkɔ a kɛl dul jǝjalǝn nɨ ja tǝlam shomɔ gǝm twamaɨ, bǝ nyǝm pʌd bǝnɔ bǝ nǝngǝn nǝn nyǝmtǝm. Nyǝmtǝmɔ gǝ dǝg dǝg nǝl dʊʊlǝn dul. Swɨtǝmɔ gǝ mɔ mɔ nǝl.

1 Korinti 8:1 Referans Kwoze

1 Korinti 8:7

Ke bɔ nǝbɔ pʌd a nyǝm jʊ nɨɨ. Kaamɨ a gola mɛkatǝm jinɔ jǝbɔ shomi, na jǝ ja jǝjalǝn nɨ lɛɨ jǝ bʊʊla lɛ gɔ ja tǝlam shomɔ gǝm twama. Na nǝl jinɔ a nʊng ji gɔ kɛna n bwɨlangkɛl jǝ maaɨ, ji nǝn gunidul a kǝga Kwaamaɨ.

Roma 14:3

Bɛ ka nʊ nɨ gǝ ja jǝjalǝn nɨ lɛ gwamɨ, ya soga lɛ nʊ nɨ jǝgam lɛ jǝgamɨ. Bɛ ka nʊ nɨ jǝgam lɛ jǝgamɨ, ya kuwo bwɨlan nʊ nɨ lɛ ja lɛ gwamɨ, jʊ a bwɨɨ Kwaama a kwɛl a yo gǝn yoi kangɔ yo.

Dʊgam Nyangnyang 2:14

“Jʊ mʊ maa bɔ dǝngdǝngɨ n wɔ, kaamɨ wo a kʊm jen jǝ bwangtǝn mɛlalɨ Balamui, wʊnɨ a mɛla Balak gǝmɨ, a dǝg nǝbɔ Israilaɨ bwɨlangkɛl jatǝm jǝjalǝn nɨ ja tǝlam shomtɨnɔ gǝm twamaɨ, jǝbɔ maatǝm bulon tag.

1 Korinti 8:4

A kɛl jatǝm jǝjalǝn nɨ ja tǝlam shomɔ gǝm twamaɨ, bǝ nyǝm yooligɔ pʌd, shomɔ mɨ a nyiyo kaa jǝl. Bǝ nyǝm Kwaama nǝn gɔ win swarɨ, mɨ kaa wo.

1 Korinti 8:2

Nʊ nɨ kuwo lɛ gɔ gǝ nyǝm kaa jǝlɨ, lǝga bɔ a nyǝm jʊ nɨ a bʊm na gǝ nyǝm lɛɨ.

Roma 15:14

Kambɔ, n jǝla nǝn jen, mǝʊ jǝ́ nǝb nyan dangǝn, nǝb nyǝmtǝm nyangǝn, nǝb nɨ a la kanga mɛla kambɔ gǝm lɛɨ.

Afisa 4:16

N daa gǝ woi pʌd bʊtɔgɔ a mʊrkamɨ, kanga jinʌnɔ gǝ mʊrka bʊtɔ nǝlɨ lɛɨ. Na jinʌn bʊtɔgɔ gwam maa maajɨ jinɔ lɛɨ, bʊtɔgɔ pʌd dʊʊl lɛ, nya kwaan nɛ, swɨ tangǝn jinʌnɔ lɛ.

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

Maajɨ Bɛtɔ Twamagɨɨ 15:29

Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ. Jǝ́ yɨ kwamɨgǝn.

1 Korinti 10:28

Na kaa nǝl a sʊwa jen gɔ, “Ja biyom shom jʊ nɨɨ,” ka jǝ́ ja lɛ, jǝ́ dʌng nʊ nɨ a sʊwa jeni nǝn bʊʊlalɨ mʊgɔ nǝl.

Maajɨ Bɛtɔ Twamagɨɨ 21:25

A Bʌtʌb nɨ ja nǝ bɨlǝngkɛlɨ, nǝn kwɛl nǝn twam jim twamɨ langǝn bwangǝn nǝn gɔ nǝn biyo borangɔ. Ka ja ja lɛ jǝjalǝn nɨ ja tǝlam twama a shomtɨnɔ gǝmɨ, ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm nam, ka ja maa lɛ bulon.”

Maajɨ Bɛtɔ Twamagɨɨ 15:10

“Na gǝ na nyɨɨ, wɛ a bwɨ jǝ́ tɛl Kwaama lɛɨ? Wɛ a bwɨ jǝ́ ya nǝb bwangtǝm nɨ gǝm kanjǝl nɨ lɛ a tuu tuui, wʊnɨ bǝn jǝbɔ tʊgalam bǝnɔ mɨsɔ bǝ dwal lɛ bǝ doi?

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

1 Korinti 5:2

Jǝ́ maa sʊtɔ lɛ nǝn! A laa bɔ jǝl jǝ́ maa fitǝm nǝl ka? A laa bɔ jǝl jǝ́ jǝg nʊ nɨ maa bwɨlang maajɨ nɨ lɛɨ a kʊm jen ka?

1 Korinti 4:18

Kaamɨ gung dul lɛ maamɔ mɨsɔ mǝ bɛ lɛ a daa jen woi.

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

1 Korinti 1:5

Kwaama a nǝ jen bwili a golantɨn nɨ gwam a gola gǝn, a sʊwatǝm kɛl jǝbɔ nyǝmtǝm pʌd.

Roma 14:22

Nǝtǝm bɨlǝngkɛlɔ mʊ nǝn a dul kanjǝl nɨɨ, bɛ ń ta gǝn a tɨbǝl mʊn jǝbɔ Kwaama. Bwiligɔ na a nʊ nɨ nǝl gǝnɔ a nǝ gǝn bɔ bwɨlangkɛl a dul jʊ bʊʊlalɨ gǝnɔ a do n dǝngdǝngɨ.

Roma 14:14

Mɨ nyǝmatǝm wo a kʊm mɨ nǝbɔ Tɛlalɔ Yesu gɔ, mɨ jʊ nɨ wo mɨ sagsag a tǝltǝm gǝnɔ gǝmɨ. Nʊ nɨ a do gǝn gɔ mɨ sagsag a daa gǝ woi, mɨ sagsag.

Roma 14:10

Mɔ, n wɛ a bwɨ mʊ kuwo kɨla mʊ lɛ nǝn bwɨlanɨ? N wɛ a bwɨ mʊ soga kɨla mɔ lɛɨ? Pʌd bǝnɔ bǝ tɨ tɨ a kǝga Kwaamaɨ, wʊnɨ maa bǝm borang lɛɨ.

Roma 12:16

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

1 Korinti 4:6

Kambɔ, a kɛl dul kanjǝl nɨ, mǝ nʊng dul mɨ nǝbɔ Afolos a kɛl dul jen, sǝ jǝ́ mɛla jʊ kɛl nɨ nʊng lɛɨ a daa nǝn woi. Kɛl nɨ sʊwa lɛ gɔ, “Ka jǝ́ shu lɛ mʊlalɨgɔ.” Jǝ́ maa nyɔ kage kaa nǝl a maa lɨyal nǝn kaa nǝl gɔ, a laa kaa nǝl.

1 Korinti 10:15

Mǝ sʊwa jen kɛlɔ na nǝb nɨ nǝn yʊlanɨ. Jǝ́ dʌng nǝn kang jen jǝ́ kuwo, na jʊ mǝ sʊwa lɛɨ n bɨlǝngkɛlɨ.