1 Korinti 7:23 - Dadiya NT

²³ Kwaama a ten jen teni, a ywa jǝ tentǝm jenɔ a lada. Ka jǝ́ yǝlam lɛ jwaalɛb nǝfitʌmi.

1 Korinti 7:23 Referans Kwoze

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Matta 6:24

“Mɨ nʊ nɨ wo maa jwaalɛn nɛ a tɛlalɔtɨnɔ yoi. Gǝ kɔ kɔ win, ga swɨ a wini, gǝ jǝla jǝla nǝn win, mɨsɔ gǝ jǝla lɛ nǝn a wini. Mɨsɔ jǝ́ mʊrka bwangtǝm Kwaamaɨ lɛ jǝbɔ bwangtǝm kemʌn.