1 Korinti 7:21 - Dadiya NT

²¹ Na a jo ń mʊ bwɛ jwaalɛɨ, bɛ ka kom ń nɛ. Na mʊ nya nya gola yɨm duli, bɛ ń saa.

1 Korinti 7:21 Referans Kwoze

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

Luka 12:29

“Ka jǝ́ do lɛ bʊʊlalɨ a dul jʊ nɨ jǝ́ ja lɛɨ, jǝbɔ jʊ nɨ jǝ́ nɔɔ lɛɨ. Ka jǝ́ kom lɛ dul jenɔ a dul kanjǝl nɨ.

1 Bitrus 5:7

Bɛ jǝ́ tʊng komtǝm jenɔ a daa gǝ woi, jʊ a bwɨɨ, nǝn gɔ kɨla jen nɛɨ.

Ibranii 13:5

Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

Filibii 4:11

Mǝ ta bɔ fɨɨ nǝn jʊ nɨ mǝ nya lɛɨ. N mɛla yɨm boga fʌl a golantɨnɔ gwam mǝ nya dul mɨ woi.

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

1 Korinti 7:20

Bɛ nǝbɔ gwam a yɨ a daa nɨ Kwaama a jom jii.

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.