1 Korinti 7:10 - Dadiya NT

¹⁰ Jǝ́ nǝb naakanɔ, mǝ nǝ jen diil lɛ. Ke bɔ mǝ, nǝn Tɛlalɔ a sʊwa gɔ ka nɔɔlɨ ya wʊlaka lɛ jǝbɔ bwɨla gɨɨ.

1 Korinti 7:10 Referans Kwoze

Matta 5:32

Kǝngkǝnɨ mǝ sʊwa jen nɛ, na nʊ nɨ a dem kang a nwala gɔ gǝmɨ, na ke bɔ bulon a maaɨ, a dǝg gǝn a maatǝm bulon. Na balɨ nɨ a naa nɔɔlɨ nɨ a jʌ naakanɨ, gǝ maa bulon.

Luka 16:18

“Nʊ nɨ gwam a dem kang a nwala gɔ gǝm a naa kaaɨ, gǝ maa bulon. Nʊ nɨ tǝgǝn a naa nɔɔlɨ nɨ ja dem gǝm kangɨ, gǝ maa bulon.”

1 Korinti 7:15

Na balɨ nɨ n ke bɔ nǝ bwangtǝmɨ swɨ lɛ a dem kang a nɔɔlɨ nǝ bwangtǝmɔ gǝmɨ, bɛ ga dem gǝm kang. Na nɔɔlɨ nɨ ke bɔ nǝ bwangtǝmɨ swɨ lɛ a wʊlaka jǝbɔ balɨ nǝ bwangtǝmɨ, bɛ ja wʊlaka. A dul kɛl nɨɨ, balɨ nǝ bwangtǝm jǝbɔ nɔɔlɨ nǝ bwangtǝm, mɨsɔ jǝ dǝg ji lɛ nǝn kwaan ja yɨ jǝbɔ nʊ nɨ ke bɔ nǝ bwangtǝmɨ, jʊ a bwɨɨ Kwaama a jo bǝn sǝ bǝ yɨ yɨm kwamɨgǝn.

1 Korinti 7:12

Jǝ́ tangǝn nǝbɔ mǝ sʊwa nyɔ, ke bɔ Tɛlalɔ. Na kaa kɛ a kʊm jen nǝn nɔɔlɨ nɨ ke bɔ nǝ bwangtǝmɨ, na a jǝla gɔ jǝ yɨ dakini, bɛ ka ga dem lɛ kang.

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.

1 Korinti 7:6

Mǝ sʊwa jʊ nɨ sǝ n nʊng jen gola. Ke bɔ diil.

1 Korinti 7:40

A kuwotǝm mɨ, nɔɔlɨ nɨ nyʊwa nyʊwa lǝma, na ga yɨ nyɨɨ. A kuwotǝm mɨ, mǝ nǝngǝn nǝn Yʊwa Kwaamaɨ.

Markus 10:2

Kaam nǝbɔ Farisaɨ a bɛ a daa gǝ woi sǝ jǝ tɛl gǝn nǝn bʌbotǝm kɛl gɔ, “A diilɔ gǝmɨ, n dǝngdǝng nǝl a dem kang a nwala gɔ gǝm ka?”

1 Korinti 7:11

(Na ga wʊlaka jǝbɔ gɨɨ, bɛ ga yɨ nyɔ mɨ naakan wo. Na mɨ nyɨɨ, bɛ ja yǝla ja fɛka naakan jinɔ.) Balɨ bɛ ka ga dem lɛ kang a nwala gɔ gǝm.