1 Korinti 6:9 - Dadiya NT

⁹ Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

1 Korinti 6:9 Referans Kwoze

1 Korinti 6:10

jǝbɔ nǝbkuumɔ, jǝbɔ nǝb wɛlɔ, jǝbɔ nǝbɔ a nɔɔ bʊgɛ maa ji lɛɨ, jǝbɔ nǝb tuwolatǝm tuwolɔ, jǝbɔ nǝb jatǝm mɨbamɔ, mɨsɔ jǝ nya kʊla fɔlɔn lɔ Kwaamaɨ lɛ.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

1 Korinti 5:10

Mǝ sʊwa bɔ a dul nǝb nɨ ke bɔ nǝb bwangtǝmɨ, wʊnɨ maa bulon nɛɨ, jǝbɔ nǝb wɛl, jǝbɔ nǝb jatǝm mɨbam, jǝbɔ nǝb bwangtǝm shom. Na na n sʊwa nyɨɨ, na yǝlam yǝlam nyɔ jǝ́ bǝla yooli nɨɨ.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

1 Korinti 15:33

Ka ja swag jen nɛ! “Yɨm jǝbɔ nǝb bwɨlan gǝ kal kal nǝ nya.”

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

1 Korinti 5:1

Jǝ sʊwa lɛ gɔ maatǝm bulonɔ wo a kʊm jen, a wʊnɨ mɨ jǝ maa lɛ a kʊm nǝb nɨ ke bɔ nǝb bwangtǝmɨ. Kaa gǝ do do nwala tɛtɛ gɨɨ a daa nǝn.

Yakubu 1:16

Kɛtǝlam mɨ nɨ mǝ swɨ lɛɨ, ka jǝ́ jǝla lɛ ja swag jen.

1 Korinti 9:24

Jǝ́ nyǝm bɔ a gaan sʊtǝm sʊgɔl, nǝb sʊtǝm sʊgɔlɔ jǝ maa laakatǝm, nʊ win na gǝ nya lǝmagɔ lɛɨ ka? Bɛ ya jǝ́ mwal sʊgɔlɔ lɛ nyɔ sǝ jǝ́ ku jelʌn.

Matta 19:29

Gwam nʊ nɨ a bǝla lɔ gǝnɨ, a bǝla kɛtǝlam gǝnɔ batǝn jǝbɔ a nɔɔtǝn, bǝ tɛtɛ gɔ jǝbɔ nɛnɛ gɔ, bɛtɨ jǝbɔ twamtɨn gǝnɔ, a kɛl dun mɨɨ, nya nya naagɔ fʊlkʊb, jǝbɔ nyatǝm kʊlɨ nɨ mɨ dɨtǝm woi.

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Luka 21:8

Nǝngɔ Yesu a sʊwa ji gɔ, “Bɛ jǝ́ nyǝm ka kaa nǝl a swag jen. Nǝbɔ a lada na jǝ bɛ lɛ a mʊgɔ dun mɨɨ. Jǝ sʊwa lɛ gɔ nǝji ji nǝn mɨɨ, dɨltǝm yooligɔ a dwama! Ka jǝ́ bwang jim lɛ.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

1 Korinti 5:11

Mǝ mʊla jem mǝʊ, ka jǝ́ mʊrka lɛ dul jǝbɔ nʊ nɨ pʌd jǝ jo gǝn nɛ gɔ, kɛ nǝ bwangtǝmɨ, wʊnɨ maa bulon nɛɨ, jǝbɔ wɛl, jǝbɔ bwangtǝm shom, jǝbɔ tuwolatǝm tuwol, jǝbɔ nɔɔtǝm bʊgɛ ya maa gǝn nɛɨ, jǝbɔ jatǝm mɨbam. Ka jǝ́ ja lɛ jǝjalǝn jǝbɔ nǝb nɨ.

1 Korinti 6:18

Jǝ́ mwal bulonɔ. Pʌd tangǝn bwɨlangkɛlɔ nǝl maa lɛɨ, a ke bɔ bʊtɔ gǝnɔ na maatǝm bulonɔ. Nʊ nɨ maa bulon nɛɨ, gǝ maa bwɨlangkɛl nɨ kal bʊtɔ gǝnɔ lɛɨ.

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Galatiya 6:7

Ka ja swag jen nɛ. Mɨ jǝ mog Kwaama lɛ. Jʊ nɨ nǝl a kwalɨ, nǝn gɔ gǝ kʌso lɛɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Yohana 3:7

Jǝ́ bɛtɔ dwalǝnɔ, ka kaa nǝl ya swag jen nɛ. Nʊ nɨ maa jǝ dǝngdǝng lɛɨ, n nǝ dǝngdǝng, kanga Kiristi n nǝ dǝngdǝngɨ.