1 Korinti 5:8 - Dadiya NT

⁸ A dul kɛl nɨɨ bɛ ya bǝ maa Dikulom bǝnɔ lɛ, ke bɔ nǝn kʊkkʊm nɨ nǝn yisti galɨɨ, wʊnɨ n shil jǝbɔ bwɨlang jǝlɨ. Bɛ bǝ maa Dikulom bǝnɔ nǝn kʊkkʊm nɨ mɨ yisti woi, yǝlɨgǝnɔ jǝbɔ a bɨlǝngǝnɔ.

1 Korinti 5:8 Referans Kwoze

Luka 12:1

Kwama kanjǝl nɨ bwɨ lɛɨ, nǝbɔ fʊlkʊblǝnɔ a lada ja mʊrka. Jǝ falaka lɛ nǝn naa. Nǝngɔ a tǝl sʊwa bɛtɔ mɛlalɨ gǝnɔ kɛlɔ lɛ nǝn tɨkǝgaɨ gɔ, “Bɛ jǝ́ kɨla mɛlalɨ bwɨla nǝbɔ Farisaɨ, n kɛl fento.

Markus 8:15

A gʊ lɔl jinɔ a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a Hiridusi.”

Matta 16:6

Nǝngɔ Yesu a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

Afisa 6:24

Bɛ lǝmagɔ a ta tʌgo gwanggwang a nǝb nɨ swɨ Tɛlalɔ bǝn Yesu Kiristi lɛɨ nǝn swɨtǝm nɨ mɨ dɨtǝm woi.

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

Yohana 1:47

Nǝn kwama Yesu a kuwom Nataniyel bɛ lɛ a daa gǝ woi, nǝngɔ a sʊwa gɔ, “Bwɛ nɨ n bwɛ Israila dangǝn, wʊnɨ mɨ nǝn gabakɛlɨ.”

Matta 16:12

Nǝngɔ la ja nyǝm gɔ n ke bɔ yisti kʊkkʊmɨ sʊwa ji lɛɨ. Gǝ sʊwa ji mɛlalɨ kanjǝl nǝbɔ Farisaɨ jǝbɔ a nǝbɔ Sadukiyaɨ.

2 Korinti 8:8

N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

1 Korinti 5:1

Jǝ sʊwa lɛ gɔ maatǝm bulonɔ wo a kʊm jen, a wʊnɨ mɨ jǝ maa lɛ a kʊm nǝb nɨ ke bɔ nǝb bwangtǝmɨ. Kaa gǝ do do nwala tɛtɛ gɨɨ a daa nǝn.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.