1 Korinti 5:11 - Dadiya NT

¹¹ Mǝ mʊla jem mǝʊ, ka jǝ́ mʊrka lɛ dul jǝbɔ nʊ nɨ pʌd jǝ jo gǝn nɛ gɔ, kɛ nǝ bwangtǝmɨ, wʊnɨ maa bulon nɛɨ, jǝbɔ wɛl, jǝbɔ bwangtǝm shom, jǝbɔ tuwolatǝm tuwol, jǝbɔ nɔɔtǝm bʊgɛ ya maa gǝn nɛɨ, jǝbɔ jatǝm mɨbam. Ka jǝ́ ja lɛ jǝjalǝn jǝbɔ nǝb nɨ.

1 Korinti 5:11 Referans Kwoze

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

2 Tasalonikaɨ 3:14

Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul.

2 Tasalonikaɨ 3:6

Kambɔ, nǝn nǝ jen diil lɛ a mʊgɔ dun Tɛlalɔ bǝn Yesu Kiristii, jǝ́ wʊlaka jǝbɔ gwam nǝb nɨ yɨ yɨm sʊla lɛɨ, nǝb nɨ mɨ bwangtǝn mɛlalɨ nɨ lɛ jǝ́ nya a daa nǝn woi.

Matta 18:17

Na a kɔ a nyʊwa ji bɨɨ, sʊwa mʊrkalɨ nǝb bwangtǝm Kwaamaɨ. Na a kɔ a nyʊwa ji bɨɨ, bɛ ń do gǝn na nʊ nɨ a nyǝm bɔ Kwaamaɨ, do gǝn na nǝ yotǝm kemʌn tǝm.

1 Korinti 5:13

Nǝn Kwaama gǝ mwatɨ borang nǝb nɨ lɛ mɨ jǝbɔ bǝnɨ. Kanga mʊlalɨgɔ a sʊwa gɔ, “Bɛ jǝ́ kaa nǝ bwɨla nɨ a kʊm jeni.”

2 Yohana 1:10

Nʊ nɨ a bɛ a daa jen woi, a bɛ bɔ nǝn mɛlalɨ nɨɨ, ka jǝ́ yo gǝn nɛ a lɔ jen, ka jǝ́ yal gǝn nɛ nǝn bɛtǝmɔ.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

1 Timoti 3:3

Ke bɔ nǝ nɔɔtǝm jʊ nɨ maa gǝn nɛɨ, ke bɔ nǝ saatǝm kɨlan, n nǝ shigtǝm dul, ke bɔ nǝ tʊlǝm, ke bɔ nǝ swɨtǝm kemʌn.

Matta 23:25

“N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ saal gul kʌshi nɔɔmwɛnɔ jǝbɔ kʌshi jajɨgɔ. Mʊgɔ jinɔ a yii nǝn wɛl jǝbɔ swɨtǝm dul.

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Afisa 5:5

Bɛ jǝ́ nyǝm, nǝ maatǝm bulon, jǝbɔ nǝ maatǝm bwɨlan, jǝbɔ nǝ wɛl (gɔ jǝbɔ nǝ bwangtǝm shom pʌd jǝ win), mɨsɔ jǝ dɔ fɔlɔn lɔ Kiristii lɛ jǝbɔ a Kwaamaɨ.

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

1 Korinti 6:10

jǝbɔ nǝbkuumɔ, jǝbɔ nǝb wɛlɔ, jǝbɔ nǝbɔ a nɔɔ bʊgɛ maa ji lɛɨ, jǝbɔ nǝb tuwolatǝm tuwolɔ, jǝbɔ nǝb jatǝm mɨbamɔ, mɨsɔ jǝ nya kʊla fɔlɔn lɔ Kwaamaɨ lɛ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Korinti 8:11

A gola nyǝmtǝm mʊnɔ nɨ, mʊ kal kal kɛ nɨ nǝlɔ a bɨ bɨɨ, wʊnɨ Kiristi a bʊla a kɛl dul gǝnɨ!

1 Korinti 6:6

Kɛ nǝ bwangtǝm gǝ ka ka kɛl kɨla gɨɨ a kan borang. Gǝ yɔ yɔ nǝn a kǝga nǝb nɨ ke bɔ nǝb bwangtǝmɨ!

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Dʊgam Nyangnyang 2:14

“Jʊ mʊ maa bɔ dǝngdǝngɨ n wɔ, kaamɨ wo a kʊm jen jǝ bwangtǝn mɛlalɨ Balamui, wʊnɨ a mɛla Balak gǝmɨ, a dǝg nǝbɔ Israilaɨ bwɨlangkɛl jatǝm jǝjalǝn nɨ ja tǝlam shomtɨnɔ gǝm twamaɨ, jǝbɔ maatǝm bulon tag.

1 Timoti 6:5

Nǝngǝn nǝn gʊbkatǝm kɛl bwɨlan jǝbɔ nǝb nɨ bʊʊlalɨ jinɔ mɨ a nyiyo jǝlɨ, bɨlǝngkɛlɔ a bǝla ji. Nǝb nɨ kuwo lɛ gɔ bwangtǝm Kwaamaɨ n gola nyatǝm shiloi.

Afisa 5:18

Ka jǝ́ nɔɔ lɛ bʊgɛ a maa jen, wʊnɨ kal kʊlɨ jenɔ lɛɨ. A laa jǝl jǝ́ yii nǝn Yʊwa.

Galatiya 2:12

Nǝn tɨkǝga gǝ ja jǝjalǝnɔ dakini jǝbɔ Bʌtʌbɔ. Nǝngɔ Yakubu a twam kaam nǝb a Antakiyaɨ, nǝngɔ Bitrus a gun a jǝgǝm dul gǝnɨ. A maa nyɔ jʊ a bwɨɨ nyʊwa taal nǝb nɨ lɛ swɨ lɛ ja biyo Bʌtʌbɔ gǝm mwɛnɨ.

1 Korinti 11:21

Jʊ a bwɨɨ a daa jatǝm, kaamɨ gǝ ja kʌshi jin kwaaji, kaa wɔ nyʊwa jʊwan nɛ, kaa wɔ a nɔɔ maa gǝn nɛ.

1 Korinti 10:14

Gǝ na nyɔ, fatǝlam mɨ nɨ mǝ swɨ lɛɨ, jǝ́ mwal bwangtǝm shomɔ.

1 Korinti 7:15

Na balɨ nɨ n ke bɔ nǝ bwangtǝmɨ swɨ lɛ a dem kang a nɔɔlɨ nǝ bwangtǝmɔ gǝmɨ, bɛ ga dem gǝm kang. Na nɔɔlɨ nɨ ke bɔ nǝ bwangtǝmɨ swɨ lɛ a wʊlaka jǝbɔ balɨ nǝ bwangtǝmɨ, bɛ ja wʊlaka. A dul kɛl nɨɨ, balɨ nǝ bwangtǝm jǝbɔ nɔɔlɨ nǝ bwangtǝm, mɨsɔ jǝ dǝg ji lɛ nǝn kwaan ja yɨ jǝbɔ nʊ nɨ ke bɔ nǝ bwangtǝmɨ, jʊ a bwɨɨ Kwaama a jo bǝn sǝ bǝ yɨ yɨm kwamɨgǝn.

1 Korinti 7:12

Jǝ́ tangǝn nǝbɔ mǝ sʊwa nyɔ, ke bɔ Tɛlalɔ. Na kaa kɛ a kʊm jen nǝn nɔɔlɨ nɨ ke bɔ nǝ bwangtǝmɨ, na a jǝla gɔ jǝ yɨ dakini, bɛ ka ga dem lɛ kang.

Maajɨ Bɛtɔ Twamagɨɨ 9:17

Nǝngɔ Hananiya a yɔɨ, a dɔ lɔgɨɨ. A ya gǝm kang a sʊwa gɔ, “Kɨla mɨ Shawulu, nǝn Tɛlalɔ a twam ɨ, wʊnɨ nǝn Yesu nʊ nɨ a tǝga ń a gola nɨ mʊ bwangtǝnɨ. Swɨ lɛ ń yǝla ń kuwo daa, sǝ ja yii ń nǝn Yʊwa Kwaamaɨ.”

Luka 18:11

Bwɛ Farisa nɨ a gun a tɨ tɨɨ maa keli lɛ a dul gǝn gɔ, ‘Kwaama, n buu mʊn kang, mɨ mǝ na kaam nǝbɔ, nǝbkuumɔ, jǝbɔ nǝb bwɨlanɔ, jǝbɔ nǝb bulonɔ, jǝbɔ nǝbɔ ja lɛ nǝn kwanɨ na nǝ yotǝm kemʌn tǝm nɨ.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,