1 Korinti 5:10 - Dadiya NT

¹⁰ Mǝ sʊwa bɔ a dul nǝb nɨ ke bɔ nǝb bwangtǝmɨ, wʊnɨ maa bulon nɛɨ, jǝbɔ nǝb wɛl, jǝbɔ nǝb jatǝm mɨbam, jǝbɔ nǝb bwangtǝm shom. Na na n sʊwa nyɨɨ, na yǝlam yǝlam nyɔ jǝ́ bǝla yooli nɨɨ.

1 Korinti 5:10 Referans Kwoze

1 Korinti 10:27

Na kaa nʊ nɨ n ke bɔ nǝ bwangtǝmɨ a jo jen jatǝm jǝjalǝnɨ, na jǝ́ jǝla jǝ́ yɔɨ, jǝ́ ja jʊ nɨ gwam ja nǝ jeni. Ka jǝ́ bʌ lɛ kɛl, kage jǝ́ nya komʌn a mʊgɔ nǝl jen.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.

1 Yohana 4:5

Jǝ na a yooli nɨɨ, n jʊ a bwɨ jǝ sʊwa kɛl yooli nɨ lɛɨ, yooligɔ nyʊwa ji lɛɨ.

Filibii 2:15

Jǝ́ maa nyɔ sǝ jǝ́ yǝlam nǝb nɨ mɨ nǝn jǝ tuwoli, nǝb sagsag, bɛtɔ lɔ Kwaamaɨ nɨ mɨ nǝn kʊlanɨ. Jǝ́ yɨ yɨm jenɔ a kʊm nǝb nɨ dulɔ a yǝla yǝlaɨ, nǝb bwɨlangkɛlɔ, nyalǝm jenɔ won nɛ ganggang a kʊm jin a yooli nɨ.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

1 Korinti 1:20

Nǝb yʊlanɔ jǝ na a fee? Nǝb nyǝmtǝmɔ n fee? Nǝb gʊbkatǝm kɛlɔ a dul yooli nɨ n fee? Kwaama a dǝg nyǝmtǝm nǝbɔ yooli nɨɨ a yǝlam jǝ fʌmʌn, mɨ nyɔ ka?

Yohana 8:23

Nǝngɔ Yesu a ja kǝga sʊwa lɛ gɔ, “Jen jǝ́ na fɔ a tǝm nɨɨ, a mɨɨ mǝ jel a dʌbʌl. Jen jǝ́ na yooli nɨɨ, a mɨɨ mǝ ke bɔ a yooli nɨ.

1 Yohana 4:7

Jǝ́ fatǝm nyan mǝndɨ, bɛ bǝ swɨka, jʊ a bwɨɨ swɨtǝmɔ na a Kwaamaɨ. Gwam nʊ nɨ maa swɨtǝm lɛɨ, n bʌtʌm Kwaamaɨ, a nyǝm Kwaama tag.

Yohana 17:9

“Keligɔ mǝ maa lɛɨ, mǝ maa a dul ji. Mǝ maa bɔ yooligɔ gǝm keli. Mǝ maa a dul nǝb nɨ mʊ nɨ ɨɨ, jʊ a bwɨɨ jǝ na a mɔ.

Yohana 17:6

“N kwɛl n nʊng ń nʊng ńɨ nǝb nɨ mʊ nɨ ɨ a yooli nɨɨ. Galɨgǝn jǝ na a mɔ, ń nɨ ɨ ji, ja bwangtǝn kɛl mʊnɔ.

Yohana 15:19

Na na jǝ́ na a yooli nɨɨ, na yooli nɨ a swɨ jen kanga a swɨm nǝbam gǝnɨ. Jǝ́ ke bɔ na yooli nɨ, n kwɛl n jǝgǝm jen sǝ jǝ́ bǝla yooli nɨ, n jʊ a bwɨ yooligɔ a kɔ jeni.

Luka 18:11

Bwɛ Farisa nɨ a gun a tɨ tɨɨ maa keli lɛ a dul gǝn gɔ, ‘Kwaama, n buu mʊn kang, mɨ mǝ na kaam nǝbɔ, nǝbkuumɔ, jǝbɔ nǝb bwɨlanɔ, jǝbɔ nǝb bulonɔ, jǝbɔ nǝbɔ ja lɛ nǝn kwanɨ na nǝ yotǝm kemʌn tǝm nɨ.

1 Korinti 5:9

N mʊla jem a mʊgɔ langǝn bwangǝn mǝndɨ gǝm mǝʊ, bɛ ka jǝ́ mʊrka lɛ dul jǝbɔ nǝb bulon.

1 Korinti 5:11

Mǝ mʊla jem mǝʊ, ka jǝ́ mʊrka lɛ dul jǝbɔ nʊ nɨ pʌd jǝ jo gǝn nɛ gɔ, kɛ nǝ bwangtǝmɨ, wʊnɨ maa bulon nɛɨ, jǝbɔ wɛl, jǝbɔ bwangtǝm shom, jǝbɔ tuwolatǝm tuwol, jǝbɔ nɔɔtǝm bʊgɛ ya maa gǝn nɛɨ, jǝbɔ jatǝm mɨbam. Ka jǝ́ ja lɛ jǝjalǝn jǝbɔ nǝb nɨ.