1 Korinti 4:11 - Dadiya NT

¹¹ Kǝngkǝnɨ, n jʊwan nǝn nyʊwa lɛɨ, jǝbɔ diil mwɛ. Nǝn dʊʊ tulong dwang. Jǝ bʊg nǝn nɛ. Mɨ nǝn nǝn lɔ.

1 Korinti 4:11 Referans Kwoze

Roma 8:35

N wɛ dwal lɛ a wʊlaka bǝn jǝbɔ swɨtǝm nɨ Kiristi maa bǝm lɛɨ? N gaalan ka? N gʌtǝm ka? N nɔɔtǝm gaalan ka? N jʊwan ka? N bʊnǝn ka? N jʌbotǝm bʊtɔ jǝbɔ bwaa ka?

Filibii 4:12

N nyǝm jʊ nɨ a ja bʊnǝnɨ jǝbɔ nyatǝmɨ, n nyǝm yɨm gola kanjǝlɔ gwam. N kwɛl n mɛla yɨm jʊwan jǝbɔ boga fʌl, yɨm nyatǝm jǝbɔ yɨm bʊnǝn.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

2 Korinti 4:8

Jǝ nǝ nǝn gaalan nɛ a golantɨnɔ gǝm gwam, a dǝg nǝn bɔ lʊwatǝm nǝn maajɨ nɨ nǝn ya a kǝgaɨ nǝn bǝla maatǝmɔ. Jǝ yǝla nǝm dul lɛ, a dǝg nǝn bɔ nǝn dem nǝl.

1 Korinti 9:4

Nǝn la bɔ nyɔ ja nǝ nǝn jǝjalǝn nǝn ja, nǝn nɔɔ ka?

Maajɨ Bɛtɔ Twamagɨɨ 23:2

Nǝngɔ Hananiya dalɨ nǝkǝlagɔ a dǝg nǝb nɨ tɨm nǝn dɔɔm jǝbɔ Bulusi gɔ ja jǝga gǝn a nyiyoi.

Maajɨ Bɛtɔ Twamagɨɨ 16:23

Ja bʊg ji dangǝnɨ, nǝngɔ ja dǝg ji a lɔsomii. Ja sʊwa nǝ dʌngtǝm lɔsomigɔ gɔ a dʌng ji a bʊm bʊmɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

2 Korinti 11:20

Na kaa nǝl a dǝg jen jwaalɛnɨ, na a yo jǝ jen nǝn kwaanɨ, na a ja jeni, na a nʊng jen gɔ gǝ laɨ, na a jǝga jen a kǝgaɨ, jǝ́ kʊ nǝl.