1 Korinti 3:8 - Dadiya NT

⁸ Nǝ kwalagɔ jǝbɔ nǝ taltǝm mwɛmɔ jǝ win. Gwam jinɔ jǝ nya nya ywatǝm kemʌn maajɨ jinɔ dǝngdǝng a dul maajɨ jinɔ gǝm.

1 Korinti 3:8 Referans Kwoze

Roma 2:6

Kwaama ywa ywa nǝbɔ gwam maajɨgɔ ja maaɨ.

2 Yohana 1:8

Bɛ jǝ́ kɨla dul jenɔ. Ka jǝ́ mǝla lɛ maajɨgɔ jǝ́ maaɨ. Bɛ jǝ́ nya ywatǝm nyan.

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Dʊgam Nyangnyang 22:12

“N wɔ, mǝ bɛ lɛ mɨsɔ kʊta lɛ! Lǝma mǝndɨ gǝ na a daa mǝ woi. Mǝ nǝ nǝ nǝbɔ pʌd a yɔ dǝngdǝng jǝbɔ jʊ ja maaɨ.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

Galatiya 6:4

Bɛ jǝ́ tɛl maajɨ jenɔ win win gwam jenɔ. Na a bʊmɨ, sǝla jǝ́ maa lɨyal jǝbɔ jʊ nɨ mʊ maa nǝn dul mʊnɨ, mɨsɔ mʊ nʊng dul mʊnɔ lɛ jǝbɔ kaa nǝl.

1 Korinti 3:14

Na maajɨ nɨ nʊ a maaɨ a twɨm bɨɨ, yo yo lǝmagɔ.

1 Korinti 3:9

Nǝn nǝ fatǝm maajɨ Kwaamaɨ. Jen jǝ́ tɔtwam Kwaamaɨ, mɔtǝm Kwaamaɨ tag.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

1 Korinti 3:7

Nǝ kwalagɔ jǝbɔ nǝ taltǝm mwɛmɔ mɨ ji a nyiyo jǝl. Nǝn Kwaama a laa jǝlɨ. Nǝn gɔ a dʊʊl nǝn dʊʊmɨ.

1 Korinti 4:15

Na na jǝ́ na nǝn bwaɨtɨnɔ fʊlkʊblǝnɔ kʊb a mʊgɔ Kiristii, tɛbɔ jǝ́ nǝnɨ a lada bɔ. Nǝmǝ mǝ tɛtɛ jen a mʊgɔ Kiristi Yesui a gola kiyotǝm fulon kɛl lǝmɨ a daa jen woi.

1 Korinti 9:7

Nuwo maa maajɨ sʊwajaam lɛ sǝ a ja nǝn dul gǝnɨ? Nuwo kwal tɔtwam gǝnɔ lɛ sǝ a ja bɔ tʊʊl gǝnɨ? Nuwo tɔɔ yʊwal lɛ sǝ a nɔɔ bɔ yʊl gǝnɨ?

Galatiya 6:5

Bɛ gwam jenɔ win win jǝ́ do kʊlǝn jenɔ.

Luka 19:19

“Nǝngɔ a sʊwa gǝn gɔ, ‘N ya ń fɔlɔn tuulɔngɔ nʊ tǝmʊn.’