1 Korinti 3:5 - Dadiya NT

⁵ Nuwo nyɨ nǝn Afolosi? Nuwo nyɨ nǝn Bulus tagɨ? Jǝ ke bɔ jwaalɛb Kwaamaɨ ka? N nǝb nɨ jǝ́ nǝ bɨlǝngkɛl a gola jini, pʌd jinɔ jǝ nǝngǝn nǝn maajɨ nɨ Tɛlalɔ a nǝ ji dǝngdǝngɨ.

1 Korinti 3:5 Referans Kwoze

2 Korinti 6:4

A kanjǝlɔ gǝm gwam nǝn maa lɛɨ, nǝn maa sǝ nǝn nʊng nǝn nǝb maajɨ Kwaamaɨ. Nǝn kʊ nǝl, nǝn nɔɔ gaalan, nǝn gʌ, nǝn nya komʌn bwɨla.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

2 Korinti 3:6

Nǝn gɔ a nǝ nǝn kwaan nǝn yǝlam nǝb maajɨ swatǝm yaa fɨgɨɨ, wʊnɨ a bɛ a daagɔ Yʊwa Kwaamaɨ woi, ke bɔ a mʊlalɨ diil. Jʊ a bwɨɨ mʊlalɨ diilɔ gǝ bɛ nǝn jʌtǝm. Yʊwagɔ gǝ bɛ nǝn kʊlɨ.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

2 Korinti 4:7

Shilo nɨ nǝn nǝnɨ, gǝ na a mʊgɔ suubʌl boli, sǝ ja nʊng gʌleng kwaan nɨ na a Kwaamaɨ, ke bɔ a nǝn.

2 Korinti 4:5

Ke bɔ kiyotǝm kɛl dul nǝn nǝ maa lɛɨ, nǝn kiyo a dul Yesu Kiristii wʊnɨ nǝn gɔ nǝn Tɛlalɔɨ. Nǝn nǝ jwaalɛb jen a kɛl dul Yesui.

2 Korinti 3:3

Jen, jǝ́ nʊng jǝ́ langǝn bwangǝnɔ a jel a daa Kiristi woi a gola maajɨ nǝn. Langǝn bwangǝn nɨ ke bɔ mʊlatǝm mwɛ. Ja mʊla nǝn Yʊwa Kwaama kʊlɨɨ. Ja mʊla bɔ a jǝ mʊlalɨ tɛl. Ja mʊla a mʊgɔ nǝl nǝbɨɨ.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

1 Korinti 9:17

Na na n swɨtǝm mɨɨ, na jǝ ywa ɨ ywa ɨ. Ke bɔ swɨtǝm mɨ, mǝ maa jʊ nɨ Kwaama a nɨ ɨ tatǝm gǝnɨ.

1 Korinti 3:7

Nǝ kwalagɔ jǝbɔ nǝ taltǝm mwɛmɔ mɨ ji a nyiyo jǝl. Nǝn Kwaama a laa jǝlɨ. Nǝn gɔ a dʊʊl nǝn dʊʊmɨ.

Yohana 3:27

Nǝngɔ Yohana a jǝla gɔ, “Mɨ nǝn nʊ nɨ nya jǝl lɛ, na ja nǝ gǝn bɔ a dʌbʌli.

Luka 1:2

Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ.

Matta 25:15

A nǝ kaa win kemʌnɔ sʊwagɔ nʊ, a wini sʊwagɔ yo, kaa a nǝ gǝn sʊwagɔ win. A tǝga ji a kwaan nyatǝm jinɔ gǝm. Nǝngɔ a shu yɔm gǝnɨ.

Kolosii 1:25

A wʊnɨ mǝ yǝlam nǝ maajɨ nɨ Kwaama a nɨ ɨ a kɛl dul jeni, sǝ n kiyo kɛl Kwaamaɨ dangǝn.

Afisa 3:7

N yǝlam bwɛ jwaalɛ a maajɨ kiyotǝm fulon kɛl lǝmɨ nɨ, a dul lǝma nɨ Kwaama a nɨ ɨɨ, a gola kwaan gǝnɨ, kwaan gǝnɔ nɨ maa maajɨ lɛ a bʊtɔ mɨɨ.

Maajɨ Bɛtɔ Twamagɨɨ 18:24

Kaa bwɛ Yahudaɨ dunɔ nǝn Afolos. A bɛ a Afisa. Gɔ n bwɛ tuulɔ Iskandariyaɨ. A nyǝm sʊwatǝm kɛl. A nyǝm mʊlalɨ kɛl Kwaamaɨ dangǝn.

Maajɨ Bɛtɔ Twamagɨɨ 19:1

Kwama nɨ Afolos a Korintii, Bulus a kɛla mʊgɔ tǝm gɔ ba la Afisaɨ, ya nya kaam nǝb bwangtǝmɔ wo.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

1 Korinti 3:22

Bulus, jǝbɔ Afolos, jǝbɔ Kefas, jǝbɔ yooligɔ, jǝbɔ kʊlɨgɔ, jǝbɔ bwaagɔ, jǝbɔ kanjǝl nɨ kǝngkɨɨ, jǝbɔ a kǝgagɔ, pʌd na a jen.

1 Korinti 16:12

A kɛl kɨla bǝn Afolosi, n kela gǝn dangǝn mǝʊ a yɔ a daa jen woi dakini jǝbɔ tangǝn kambɔ. A gǝnɔ a ya bɔ nǝl yɔtǝm kǝngkɔ. Yɔ yɔ nǝn kwama nɨ a kuwo a bʊm gǝmɨ.

2 Korinti 4:1

A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.

2 Korinti 5:18

Jʊ nɨ gwam n maatǝm Kwaamaɨ, nʊ nɨ a dɔ kʊm bǝnɔ nǝn kang gǝn a gola Kiristii, a nǝ nǝn maajɨ dɔtǝm kʊm nǝbɨɨ jǝbɔ Kwaama.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

1 Timoti 1:12

N buu Kiristi Yesu Tɛlalɔ bǝn gǝm kang, wʊnɨ a nɨ ɨ kwaanɨ, jʊ a bwɨɨ a do i mǝ nǝ tatǝm swatǝm yaa, a ya ɨ sǝ n maa maajɨ gǝnɨ.