10 A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.
Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!
A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.
Nǝn kwama Afolos swɨ lɛ ya dʌng tǝm Akayagɨɨ, nǝb bwangtǝmɔ a tɨka gǝn. Ja mʊla nǝb bwangtǝmɔ gǝm a Akayaɨ sǝ ja yo gǝn kangɔ yo. A la fʌleni, a yǝlam gʌleng nǝ tɨkalɨ a daagɔ nǝb bwangtǝmɔ woi, nǝb nɨ a gola lǝmaɨ, ja nǝ bɨlǝngkɛlɨ.
Nǝngɔ Yesu a sʊwa ji gɔ, “Bɛ jǝ́ nyǝm ka kaa nǝl a swag jen. Nǝbɔ a lada na jǝ bɛ lɛ a mʊgɔ dun mɨɨ. Jǝ sʊwa lɛ gɔ nǝji ji nǝn mɨɨ, dɨltǝm yooligɔ a dwama! Ka jǝ́ bwang jim lɛ.
Lɨyal nǝnɔ a yab bɔ tili, jʊ a bwɨɨ nǝ maa bɔ lɨyal nǝn maajɨ kaam nǝbɨɨ. Nǝn ya nǝl lɛ kanga nǝtǝm bɨlǝngkɛl jenɔ sʊ lɛ a kǝgaɨ, maajɨ nǝnɔ a mʊgɔ jeni, sʊ sʊ a kǝga dangǝn.
Nǝn twam Timoti, wʊnɨ nǝn kɨla nǝnɨ, n fwalɨ maajɨ nǝn a dul maajɨ Kwaamaɨ a kiyotǝm fulon kɛl lǝmɨ Kiristii, sǝ a sʊ jem kwaan, a kʊʊ jem nǝl a nǝtǝm bɨlǝngkɛl jenɔ gǝm.