1 Korinti 2:13 - Dadiya NT

¹³ Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.

1 Korinti 2:13 Referans Kwoze

1 Korinti 2:4

Sʊwatǝm kɛl mǝndɨ jǝbɔ kiyotǝm fulon kɛl lǝmɨ mǝndɨ, a jelka bɔ kɛl nɔɔtǝm dul jǝbɔ yʊlan. Gǝ nʊng kwaan Yʊwa Kwaamaɨ,

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

1 Korinti 1:17

Kiristi a twam ɨ bɔ gɔ n yʊ nǝbɔ mwɛ sagsag. A twam ɨ gɔ n kiyo fulon kɛl lǝmɨ, ke bɔ a dul yʊlan sʊwatǝm kɛl, kage ja dǝg kwaan tɨya kʊʊtǝm Kiristii a yǝlam jǝl nǝn kwan.

1 Korinti 2:1

Nǝn kwama mǝ bɛ a daa jen woi kambɔ, sǝ n sʊwa jen jʊ nɨ Kwaama a nʊng ɨɨ, mǝ bɛ bɔ nǝn daltɔ yʊlan jǝbɔ nyǝmtǝm sʊwatǝm kɛl.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

2 Bitrus 1:16

Nǝn kwama nǝn sʊwa jen kwaan jǝbɔ bɛtǝm Tɛlalɔ bǝn Yesu Kiristii, ke bɔ shinitɨn nɨ ja baka bakaɨ nǝn yʊlanɨ nǝn bwangtǝn nɛɨ. Nǝn kuwo dʊʊlǝn gǝnɔ nǝn nu nǝn.

Afisa 5:19

Bɛ jǝ́ ma nafɨ Zaburaɨ, jǝbɔ nafɨtɨn bǝlátǝm, jǝbɔ nafɨgɔ Yʊwagɔ a nǝ jeni. Bɛ jǝ́ ma nafɨ, jǝ́ bǝlá Tɛlalɔ nǝn nǝl jenɔ gwam.

1 Korinti 14:2

Nʊ nɨ sʊwa kɛl lɛ nǝn kaa nyiyoi, ke bɔ nǝb gǝ sʊwa kɛl lɛ jǝbɔ jii, gǝ sʊwa Kwaama. Mɨ nʊ nɨ wo a nyǝm jʊ gǝ sʊwa lɛɨ, jʊ a bwɨɨ n jʊ nɨ ja yʊ yʊɨ gǝ sʊwa lɛ a gola Yʊwa Kwaamaɨ.

1 Korinti 9:11

Kanga nǝn kwal dʊʊm yʊwa nya a nǝl jeni, na nǝn kʌso kanjǝl jenɔ na yooligɨɨ, a lada bʊr ka?

Luka 12:12

Yʊwa Kwaamaɨ mɛla jem mɛla jʊ nɨ jǝ́ sʊwa ji lɛ a kwama gɨɨ.”

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.