12 A bǝnɔ ke bɔ yʊwa yooli bǝ nyaɨ, n Yʊwa wʊnɨ a bɛ a daagɔ Kwaama woi, sǝ bǝ fɛ bǝ nyǝm kanjǝlɔ Kwaama a nǝ bǝn nǝn kwanɨ.
Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.
A jenɔ Nǝ Sagsagɔ a gul jem bwiyel. Pʌd jenɔ jǝ́ nyǝm bɨlǝngkɛlɔ.
Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.
Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.
Kɛl Kwaamaɨ a sʊwa gɔ, “Kwaama maa nungon nɛ a dʊʊmɨ nɨ ga dǝg a bʊtɔ bǝnɨ.” Jǝ́ kuwo lɛ mʊlalɨ kɛl Kwaamaɨ a sʊwa nǝn kwan ka?
Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?
Nǝngɔ bwɛ twama Kwaamaɨ a sʊwa ɨ gɔ, “Kɛltɨn nɨ mʊ nyʊwaɨ, n bɨlǝngǝn, bɛ ń ya nǝl wo. Tɛlalɔ, Kwaama wʊnɨ a nǝ nǝbkuwotǝmkǝgagɔ Yʊwa gǝnɨ, a twam bwɛ twama gǝnɔ sǝ a nʊng bɛtɔ jwaalɛn gǝnɔ gɔ kanjǝl nɨ mɨ nyǝmatǝm wo bwɨ bwɨ mɨsɔ kʊta lɛ.”
Bulus, jǝbɔ Afolos, jǝbɔ Kefas, jǝbɔ yooligɔ, jǝbɔ kʊlɨgɔ, jǝbɔ bwaagɔ, jǝbɔ kanjǝl nɨ kǝngkɨɨ, jǝbɔ a kǝgagɔ, pʌd na a jen.
Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.
A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ.
Kwaamagɔ a jǝgǝm jǝ fʌmʌnɔ a yooli nɨ sǝ a nǝ nǝb nyǝmtǝmɔ gunidul. Kwaama a jǝgǝm jʊ nɨ gɨya gɨyaɨ a yooli nɨ sǝ a nǝ nǝb kwaanɔ gunidul.
Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.