1 Korinti 16:16 - Dadiya NT

¹⁶ jǝ́ nǝ nǝb nɨ dʊʊn gwam, jǝbɔ nǝb nɨ n fatǝm maajɨ bǝn jǝbɔ gaalan bǝnɨ.

1 Korinti 16:16 Referans Kwoze

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

1 Tasalonikaɨ 5:12

Kambɔ, nǝn kela jen nɛ, nǝb nɨ gʌ lɛ nǝn maajɨ a kʊm jeni, nǝb kotere dʊʊn jenɔ a mʊgɔ Tɛlalɔɨ gʊ jem lɔl lɛɨ, jǝ́ nǝ ji dʊʊn.

3 Yohana 1:8

A yǝlam nyɔ bǝ tɨka nǝb nɨ, bǝ do tuutǝm jinɔ, sǝ bǝ yǝlam fatǝm maajɨ jǝbɔ ji a gola bɨlǝngkɛl.

Dʊgam Nyangnyang 2:3

N nyǝm mʊ nǝn kʊtǝm nǝl, mʊ nǝ bwatǝm nǝl a gaalan a kɛl dul mɨ, mɨ gǝ lʊwa ń nɛ.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

1 Timoti 5:17

Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

Filibii 4:3

Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.

Afisa 5:21

Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

1 Korinti 3:9

Nǝn nǝ fatǝm maajɨ Kwaamaɨ. Jen jǝ́ tɔtwam Kwaamaɨ, mɔtǝm Kwaamaɨ tag.

Roma 16:12

Jǝ́ yal Tarafina jǝbɔ Tarafusa nɔɔtǝm nɨ gʌ lɛ a mʊgɔ maajɨ Tɛlalɔɨ. Jǝ́ yal Barsisa, fwal mɨ nyangǝn, nʊ nɨ gʌ lɛ nǝn maajɨ a dul Tɛlalɔɨ.

Roma 16:9

Jǝ́ yal Urbanus fwalɨ maajɨ bǝnɔ a mʊgɔ Kiristii, jǝbɔ Istakis fwal mɨ nyangǝn.

Roma 16:6

Jǝ́ yal Maryamu wʊnɨ a maa maajɨ dangǝn nǝn bɨlǝngǝn a kɛl dul jeni.

Roma 16:3

Jǝ́ yal Bilkisu jǝbɔ Akila fatǝm maajɨ mǝndɨ a mʊgɔ Kiristi Yesui.

Ibranii 13:24

Jǝ́ yal nǝb dʊʊm jenɔ, jǝbɔ nǝb bwangtǝm Kwaamaɨ gwam. Nǝb nɨ fɔ a tǝm Italiyaɨ yal jen nɛ.